Tswela Pele o Fana ka Dimakasine

Ho tloha ka 2018, makasine e nngwe le e nngwe eo re e fang batho tshimong e bua ka sehlooho se le seng makasine kaofela. Dimakasine tsena kaofela di fumaneha tlasa Dithulusi Tsa ho Ruta. Ka hoo, re ka kgona ho fana ka tsona tshimong. Hape re ka nka dimakasine tse seng kae ha re ya dibakeng tse itseng kapa dishopong. Dimakasine tsena ha di a etsetswa hore re di sebedise ha re ithuta Bibele le batho empa di ka thusa batho hore ba tsebe ho eketsehileng ka Modimo.

Ha o ntse o bua le motho mo balle lengolo ebe o bua ka makasine e buang ka taba eo a ka e thabelang. Ka mohlala, haeba a e na le lelapa, a utlwile bohloko kapa a imetswe maikutlong o ka nna wa re: “Haufinyane ke ile ka bala sehlooho se buang ka taba eo. Na nka o bontsha sona?” Haeba o bona eka o thabela ho qoqa le wena, o ka nna wa mo fa makasine eo kapa wa mo romella yona founung ya hae esita le ha o qala ho kopana le yena. Le hoja mosebetsi wa rona e se ho fana ka dimakasine feela, di ka re thusa hore re fumane batho ba ikemiseditseng ho sebedisa seo ba ithutang sona.​—Lik 13:48.

2018

2019

2020