Dintho Tse Tharo Tse ka re Thusang ho Tshepa Jehova

Davida o ile a kgona ho hlola Goliathe hobane o ne a tshepile Jehova. (1Sa 17:45) Jehova o batla ho sebedisa matla a hae ho thusa batho ba hae. (2Likr 16:9) Re ka tshepa thuso eo Jehova a re fang yona jwang ho e na le ho tshepa bokgoni le boiphihlelo ba rona? Re ka thuswa ke dintho tsena tse tharo:

• Dula o Rapela. Ha o entse phoso o se ke wa rapella feela hore Modimo a o tshwarele empa o rapele le ha o lekeha ho etsa ntho e fosahetseng. (Mat 6:12, 13) Pele o etsa qeto, rapela Jehova hore a o fe bohlale mme a o tataise.​—Jak 1:5

• Bala Bibele mme o ithute ka mehla. Bala Bibele letsatsi le letsatsi. (Pes 1:2) Nahanisisa ka seo o ithutang sona ka Bibeleng mme o se sebedise bophelong ba hao. (Jak 1:23-25) Lokisetsa pele o ya tshimong ho e na le ho tshepa bohlale ba hao. O tla rua molemo haeba o lokisetsa dintho tseo re tla ithuta tsona dibokeng esale pele.

• Tsamaisana le mokgatlo wa Jehova. Tsamaisana le tataiso ya mokgatlo ya moraorao mme o e latele hanghang. (Nu 9:17) Mamela ha baholo ba o fa keletso le tataiso.​—Heb 13:17

SHEBELLANG VIDEO YA HA HO NA LEBAKA LA HO TSHABA MAHLORISO EBE LE ARABA DIPOTSO TSE LATELANG:

• Bara le baradibabo rona ba ne ba tshaba eng?

• Ba thusitswe ke eng hore ba hlole tshabo?