Mmuso wa Greece kgahlanong le Morabo rona Kokkinakis: Droit réservé
Ho tloha ka ho le letshehadi ho ya ka ho le letona: Lefapha la Thuto la West Virginia kgahlanong le lelapa la ha Barnette; Mmuso wa Greece kgahlanong le Morabo rona Kokkinakis; Mmuso wa Russia kgahlanong le Dipaki Tsa Jehova Taganrog; Mmuso wa South Korea kgahlanong le Cha le ba Bang
PHELA JWALO KA MOKRESTE
“Sebedisa Molao ho Fumana Tokelo ya ho Bolela Ditaba Tse Monate”
Ha bahanyetsi ba ne ba leka ho thibela Baiseraele ho haha tempele botjha, ba neng ba haha ba ile ba sebedisa molao o neng o ba dumella ho tswela pele ba haha. (Esd 5:11-16) Le mehleng ena Bakreste ba ntse ba tswela pele ho sebedisa molao ho fumana tokelo ya ho bolela ditaba tse monate. (Baf 1:7) Ho finyella seo, ka 1936 ho ile ha thehwa Lefapha la Tsa Molao ntlokgolo. Hona jwale Lefapha la Tsa Molao le Ntlokgolo le sebetsana le dinyewe tse amang mosebetsi wa ho bolela ditaba tse monate lefatsheng lohle. Lefapha lena le tsheheditse mosebetsi wa ho bolela ditaba tse monate jwang le ho thusa bara le baradi ba bo rona?
SHEBELLANG VIDEO YA SE ETSAHALANG LEFAPHENG LA TSA MOLAO LE NTLOKGOLO EBE LE ARABA DIPOTSO TSE LATELANG:
Ke mathata afe a amanang le molao ao Dipaki Tsa Jehova di ileng tsa kopana le ona?
Ke dinyewe dife tseo Dipaki Tsa Jehova di ileng tsa di hlola? Fana ka mohlala
Re ka sebedisa molao jwang ho “fumana tokelo ya ho bolela ditaba tse monate”?
Ke hokae websaeteng ya rona moo re ka balang ka dinyewe tse amang bara le baradi ba bo rona le lethathamo la mabitso a Dipaki Tsa Jehova tse kwalletsweng diteronkong ka lebaka la tumelo ya tsona?