LA 17-23 MARCH
DIPROVERBIA 5
Pina ya 122 le Thapelo | Seo re Tlo Ithuta Sona (1 mots.)
1. Qoba Boitshwaro bo Bobe bo Amanang le Thobalano
(10 mets.)
Boitshwaro bo bobe bo amanang le thobalano bo a hohela (Pr 5:3; w00 7/15 29 ¶1)
Boitshwaro bo bobe bo amanang le thobalano bo na le diphello tse bohloko tse ka etsang hore motho a dule a ikwahlaya (Pr 5:4, 5; w00 7/15 29 ¶2)
Qoba boitshwaro bo bobe bo amanang le thobalano (Pr 5:8; w00 7/15 29 ¶5)
Moradi wa bo rona o hana ho fa mohlankana dinomoro tsa hae tsa fono
2. Matlotlo a Patilweng
(10 mets.)
Pr 5:9—Boitshwaro bo bobe bo amanang le thobalano bo ka re ‘tlosa seriti’ jwang? (w00 7/15 29 ¶7)
O ithutileng mmalong wa Bibele wa bekeng ee?
3. Mmalo wa Bibele
(4 mets.) Pr 5:1-23 (th thuto ya 5)
4. Ha o Qala Moqoqo
(3 mets.) BUA LE BATHO KA BIBELE SETERATENG. Memela motho eo e seng Mokreste Sehopotsong mme o sebedise websaete ya jw.org ho fumana sebaka se haufi seo a ka yang Sehopotsong ho sona. (lmd thuto ya 6 ntlha ya 4)
5. Kgutlela ho Batho
(4 mets.) KA NTLO LE NTLO. Buisana le mongantlo ya ileng a amohela memo ya Sehopotso le ho bontsha thahasello nakong e fetileng. (lmd thuto ya 9 ntlha ya 5)
6. Ha o Etsa Barutuwa
(5 mets) lff kgaolo ya 16 kakaretso, re ithutileng? le seo o ka se etsang. Ha motho eo o ithutang Bibele le yena a o botsa hore na Jesu o ne a ena le mosadi, mo bontshe hore na a ka etsa dipatlisiso jwang e le hore a fumane karabo. (lmd thuto ya 11 ntlha ya 4)
Pina ya 121
7. Batho ba Ratanang ba ka Etsang e le Hore ba Dule ba Thabisa Jehova?
(15 mets.) Puisano.
Ho ratana ho ka hlaloswa e le nako eo mohlankana le morwetsana ba e qetang ba tsebana. Ba ka etsa sena ba le hara batho kapa moo ba leng bang mme ba ka kgetha ho bolella batho ba bang kapa tjhe. Ba ka boetse ba etsa sena ka ho letsetsana kapa ho romellana melaetsa. Ho ratana ha se taba feela ya ho itlosa bodutu empa ke mohato wa bohlokwa o lebisang lenyalong. Ke dintho dife tse ka thusang batho ba ratanang, ebang ke batho ba baholo kapa ba batjha, hore ba qobe boitshwaro bo bobe bo amanang le thobalano?—Pr 22:3.
Shebellang VIDEO ya Ho Itokisetsa Lenyalo—Karolo ya 1: Na ke se ke Loketse ho Ratana?—Karolwana. Ka mora moo o botse bamamedi dipotso tse latelang:
Ke hobaneng ha motho a sa lokela ho ratana ho fihlela a loketse ho kena lenyalong? (Pr 13:12; Lu 14:28-30)
O ratileng tseleng eo batswadi ba ileng ba thusa moradi wa bona ka yona?
Bala Diproverbia 28:26 ebe o botsa bamamedi dipotso tse latelang:
Batho ba ratanang ba ka etsang hore ba qobe ho ba bang maemong a ka etsang hore ba etse boitshwaro bo bobe?
Ke hobaneng ha ho le bohlokwa hore batho ba ratanang ba buisane ka hore na ba tla fella hokae ha ba bontshana lerato, jwalo ka ho tshwarana ka matsoho kapa ho sunana?
Bala Baefese 5:3, 4 ebe o botsa bamamedi potso e latelang:
Batho ba ratanang ba lokela ho ba hlokolosi ka eng ha ba ntse ba buisana fonong kapa metjheng ya puisano?