Lokisa Pelo ya Hao

Ha re ithuta Bibele, re batla hore menahano ya Jehova e ame dipelo tsa rona kapa motho eo re leng yena ka hare. Esdrase o re behetse mohlala o motle tabeng ena hobane o ne a “lokisitse pelo ya hae hore a bale Molao wa Jehova.” (Esdr. 7:​10, nal.) O ka lokisa pelo ya hao jwang?

Rapela. Ka mehla pele o ithuta, qala ka ho rapela. Kopa Jehova hore a o thuse ho utlwisisa le ho sebedisa dintho tseo o ithutang tsona.—Pes. 119:​18,34.

Hlaolela boikokobetso. Modimo o patela batho bao ka boikgohomoso ba tshepang bohlale ba bona nnete. (Luka 10:21) Qoba ho etsa dipatlisiso hobane feela o leka ho kgahlisa batho ba bang. Ka boikokobetso fetola tsela eo o nahanang ka yona haeba e sa dumellane le ya Modimo.

Mamela pina ya Mmuso. Mmino o na le matla a ho ama dipelo tsa rona le ho etsa hore re itokisetse ho ithuta ka Modimo. Ho mamela e nngwe ya dipina tsa Mmuso pele o ithuta Bibele ho ka o thusa hore o lokise pelo ya hao.