Sebedisa “Mpho e Tswang ho Modimo”

Kaofela ha rona re thabela ho kgothatsana ha re ena le bara le baradi ba bo rona. Empa e le hore re kgothatsane e le ka nnete, re lokela ho etsa ho fetang feela ho ba mmoho. Bibele e re bokgoni ba rona ba ho matlafatsana tumelo ke “mpho e tswang ho Modimo.” (Bar. 1:​11, 12) Re ka etsang e le hore mpho ee e re tswele molemo ka ho felletseng?

Kgothatsa batho ba bang ka seo o se buang. Ka mohlala, ha re arabela dibokeng, ha re a lokela ho bua ka rona haholo empa re bue ka Jehova, Lentswe la hae le ka batho ba hae. Ha re bua le badumedimmoho le rona, re ka kgetha ho bua ka dintho tse hahang.

Kgothatsa ba bang ka dintho tseo o di etsang. Ka mohlala, batho ba bang ba entse qeto ya ho tswela pele ka tshebeletso ya nako e tletseng ho sa tsotellehe mathata ao ba nang le ona. Ba bang bona ba ba teng dibokeng le hoja ba phathahane mosebetsing kapa ba ena le bokudi bo sa foleng.

Na o kgothatsa bara le baradi ba bo rona ka dintho tseo o di buang le tseo o di etsang? Na le wena o itumella hore o kgothatswe ke bara le baradi beno ka dipuo le diketso tsa bona?