Bibele e Reng ka ho Rapela Ditshwantsho?

Mokgatlo wa Catholic News Service o fanang ka ditaba tsa bodumedi, o bontsha hore ka la 25 March 2022 ho ne ho tshwaretswe tshebeletso kerekeng ya St. Peter’s Basilica mme Mopapa Francis o ne a eme ka pela setshwantsho sa Maria a “kwetse mahlo mme a dihile hlooho a rapella ka pelong.” O ile a kopa kgotso ho Maria. Websaete ya Vatican News yona e ile ya re “Mopapa o ile a etsa thapelo ho halaletsa batho, haholoholo ba Russia le Ukraine. Thapelo ena e ne e etswa bakeng sa “Pelo e se Nang Sekodi ya Maria.”

O nahana eng ka taba ee? Na ho loketse hore re rapele ditshwantsho? Hlokomela ditemana tsa Bibele tse latelang:

• “O se ke wa iketsetsa setshwantsho se betlilweng kapa sebopeho se tshwanang le ntho le ha e le efe e hodimo mahodimong kapa e tlaase lefatsheng kapa e metsing ka tlasa lefatshe. O se ke wa di inamela kapa wa hlohlelletswa hore o di sebeletse, hobane nna Jehova Modimo wa hao ke Modimo ya batlang boinehelo bo kgethehileng.”​—Exoda 20:4, 5.a

• “Ditshwantsho tsa bona tse rapelwang ke silevera le kgauta, mosebetsi wa matsoho a motho wa lefatshe. Di na le melomo, empa ha di bue; di na le mahlo, empa ha di bone; di na le ditsebe, empa ha di utlwe. Di na le dinko, empa ha di fofonele. Di na le matsoho, empa ha di ame. Di na le maoto, empa ha di tsamaye; ha di ntshe modumo ka mmetso ya tsona. Ba di etsang ba tla ba feela jwalo ka tsona, bohle ba di tshepileng.”​—Pesaleme ya 115:4-8.

• “Ke nna Jehova. Ke lona lebitso la ka; mme nke ke ka fa e mong kganya ya ka, kapa ka fa ditshwantsho tse betlilweng thoriso ya ka.”​—Esaia 42:8.

• “Le balehele borapedi ba Ditshwantsho.”​—1 Bakorinthe 10:14.

• “Le itebele ditshwantshong tse rapelwang.”​—1 Johanne 5:21.

Bala sehlooho se reng “Bible’s Viewpoint​—Images” (“Bibele e Reng ka ho Rapela Ditshwantsho?”) kapa o shebelle video e reng Na Modimo o Batla Hore re Sebedise Ditshwantsho ha re mo Rapela? e le hore o fumane dintlha tse eketsehileng ka hore na Bibele e reng ka ho sebedisa ditshwantsho ha re rapela.

O ka nna wa thabela ho utlwa seo Bibele e se buang ka dihlooho tsena:

• “The Virgin Mary​—What Does the Bible Say About Her?” (“Bibele e Reng ka Maria Mofereko?”)

• “Should You Pray to the Virgin Mary?” (“Na re Lokela ho Rapela Maria Mofereko?”)

• “Mehlolo le Dipono Tsa Mohlolo​—Na ke Dipontsho Tse Tswang ho Modimo?”

• “Khotso e Tla Tla Joang Lefatšeng?”

Photo credit: Vincenzo Pinto/AFP via Getty Images