Buka ya Kgale e Molemo le Kajeno

Ka mohlala, hlokomela ka moo batho ba bang ba ileng ba fumana molemo ka teng ha ba bala Bibele mme ba sebedisa seo ba ithutang sona.

Fiona o re: “Bophelo ba ka bo se bo fetohile. Tsela eo ke nahanang le eo ke etsang dintho ka yona e se e fetohile. Hona jwale ke se ke thabile.”

Gnitko o re: “Ho ithuta Bibele ho nthusitse hore ke tsebe hore na ke phelelang.”

Andrew yena o re: “Bibele e fetotse bophelo ba ka. Hona jwale ke se ke phela bophelo bo itekanetseng mme ke qeta nako e ngata ke na le lelapa la ka.”

Ho na le dipale tsa bophelo tse ngata tse bontshang hore Bibele e fetola bophelo ba batho. Batho ba bangata lefatsheng lohle, ba hlokometse hore ho sebedisa dikeletso tse tswang Bibeleng ho ka re thusa bophelong ba rona ba letsatsi le letsatsi.

A re ke re hlahlobeng hore na Bibele e ka thusa batho jwang dikarolong tsena. . .

• Bophelo bo botle

• Laola kgalefo ya hao

• Bophelo ba lelapa le metswalle

• Ho sebedisa tjhelete hantle

• Kamano ya hao le Modimo

Dihlooho tse latelang di tla re thusa ho bona ka moo Bibele e seng buka feela empa e le buka etswang ho Modimo, e ka o tswelang molemo bophelong ba letsatsi le letsatsi.