Talima Moputsong!

1. Nakong eo fofu li bonang,

Botsebetutu ba utloang,

Nakong eo naha e tšehla

Ho eona metsi’a tla kolla,

Ha hlotsa li tla titima,

Le lefu le tla felisoa,

Le uena u tla ba thabong,

Ha u talima moputsong.

2. Nakong eo mumu li buang,

Ba tsofetseng ba nchafalang,

Nakong eo nala e bang teng

Le ntho tse khahlisang fatšeng,

Ha ho tla pheloa ka khotso,

Ke batho ba tletseng thabo,

U’a bona ba ratoang tsohong,

Ha u talima moputsong.

3. Nakong eo khotso e bang teng,

Li phoofolong tse hloeaneng,

Ha moshanyan’a tla lisa,

Le tse kileng tsa ba hlaha.

Ha ho se ho se ea tla lla,

Ho bile ho se ea tšabang,

U’a bona tsohle tseo ’Musong,

Ha u talima moputsong.