Le Khothatsane

1. A re khothatsaneng kamehla

Ho sebeletsa Jehova,

Lerato la rōna le tiee;

Re tle re fumane khotso.

Rato la batho ba Molimo

Le re khothatsa haholo,

’Me phutheho ke setšabelo

Sa rōna kamehla eohle.

2. Polelo e tlileng ka nako

E re khothatsa haholo!

Re fumana le matšeliso

Ho metsoalle e tšepehang.

Re sebetse ’moho kamehla

Le ba ratang Molimo Jah!

Re batla ho matlafatsana,

Re jarelane meroalo.

3. Re bona ka ho totobetseng,

Tsatsi la Jah le haufi,

Re be teng libokeng kamehla

Re ’ne re tsamaee tseleng.

Ha re kopane re le bonngoeng,

Re sebeletsa Jehova,

Re tla khothatsana kamehla,

Re lule re tšepahala.