THUTO YA 4

Buella Mangolo Hantle

Matheu 22:41-45

KAKARETSO: Pele o bala lengolo, hlalosetsa bamamedi hore na ke hobaneng ha o tlo bala lengolo leo.

Ipotse hore na ke hobaneng ha o bala lengolo leo. Bala lengolo ka tsela e tla etsa hore bamamedi ba hao ba utlwisise seo o se buang.

Sheba dintlha tse potolohileng taba. Etsa bo nnete ba hore o a tseba hore na mantswe a hlahang temaneng eo, a buuwe ke mang le hore na a ngotswe ke mang.
Hlalosa hore seo o se buang se tswa ka Bibeleng. Ha o bua le batho ba dumelang ho Modimo, ba hlalosetse hore Bibele ke Lentswe la Modimo, ka ho etsa jwalo, o tla be o ba bontsha hore seo o ba rutang sona ke maikutlo a Modimo.
Etsa hore bamamedi ba batle ho tseba hore na lengolo leo le reng. Botsa potso eo lengolo le tla e araba, hlahisa bothata boo lengolo le tla bo rarolla kapa taba eo e leng hore Lengolo le tla e hlakisa.

Nahana ka seo bamamedi ba hao ba seng ba ntse ba se tseba ka sehlooho sa hao kapa ka lengolo. Ba balle lengolo leo ba le tlwaetseng le ha ho le jwalo, o etse hore ba ithute dintho tseo ba neng ba ntse ba sa di tsebe ka lona.