HA O QALA MOQOQO
THUTO YA 1
Eba Motho wa Batho
Keletso ya Bibele: “Motho ya lerato . . . ha a itjhebe boyena feela.”—1 Bakor. 13:4, 5.
Jesu o Ile a Etsang?
1. Shebella VIDEO kapa o bale Johanne 4:6-9 ebe o araba dipotso tse latelang:
Jesu o ile a hlokomela eng ka mosadi wa Mosamaria pele a qoqa le yena?
Jesu o ile a re: “A ko mphe metsi ke nwe.” Ke hobaneng ha tsela eo Jesu a ileng a qala moqoqo ka yona e ile ya atleha?
Re ka Ithutang Mohlaleng wa Jesu?
2. Haeba re qala moqoqo ka ntho eo motho a e thabelang, re tla qoqa le yena ha monate.
O ka Etsisa Jesu Jwang?
3. Fetoha le maemo. O se ke wa batla ho tswela pele ka moqoqo wa ntho eo wena o neng o rerile ho bua ka yona. Qala moqoqo ka ntho eo batho ba amehileng ka yona. Ipotse:
‘Ho buuwa ka eng ditabeng?’
‘Baahisane ba ka, basebetsimmoho le nna kapa batho bao ke kenang sekolo le bona ba rata ho qoqa ka eng?’
4. Sheba maemo. Ipotse:
‘Motho eo ke buang le yena o ntse a etsang? E ka nna yaba o ntse a nahana ka eng?’
‘Diaparo tsa hae, tjhebahalo ya hae kapa ntlo ya hae di mpolella eng ka bodumedi ba hae kapa ka setso sa hae?’
‘Na ee ke nako e loketseng ya ho bua le yena?’
5. Mamela.
O se ke wa bua haholo.
Mo fe monyetla wa hore a bue ka dintho tseo a amehileng ka tsona. Botsa dipotso haeba ho loketse.