“Mpho Bakeng sa Jehova”

Ke jwang re ka “ithaopelang ho fana ka mpho bakeng sa Jehova”? (1Likr 29:5, 9, 14) Ho na le ditsela tse mmalwa tseo re ka ithaopelang ho ntsha monehelo ka tsona bakeng sa ho tsehetsa mosebetsi o etswang ke Dipaki Tsa Jehova lefatsheng lohle.

MENEHELO E NTSHWANG KA INTHANETE KAPA E KENNGWANG KA MABOKOSENG A MONEHELO E TSHEHETSA:

• 

  MOSEBETSI O ETSWANG LEFATSHENG LOHLE

  ho hahwa ha meaho ya makala le diofisi tsa phetolelo

  dikolo tsa tshebeletso

  basebeletsi ba nako e tletseng

  diphallelo

  ho printa, kgatiso ya divideo le ho hlahisa dingolwa inthaneteng

• 

  DITSHENYEHELO TSA PHUTHEHO

  ditshenyehelo tsa phutheho tse akarelletsang dintho tse sebediswang bakeng sa ho hlokomela Holo ya Mmuso

  qeto eo phutheho e e entseng ya ho romela tjhelete lekaleng bakeng sa:

  • ho haha Holo ya Mmuso le ya Kopano lefatsheng lohle

  • Tokisetso ya ho Thusa Lefatshe Lohle

  • mesebetsi e meng e etswang lefatsheng lohle

DIKOPANO TSE KGOLO LE TSE NYANE

Menehelo e ntshwang kopanong ya setereke e iswa mosebetsing wa lefatshe lohle. Ebe ka mora moo, ditshenyehelo tsa kopano ya setereke, kopano e kgethehileng le kopano ya matjhaba di patalwa ho tswa ho menehelo ya lefatshe lohle.

Menehelo e ntshwang kopanong ya potoloho e sebedisetswa ho renta le ho hlokomela diholo tsa dikopano hammoho le ditshenyehelo tse ding tse amanang le kopano. Potoloho e ka etsa qeto ya ho ntsha tjhelete mosebetsing wa lefatsheng lohle wa Dipaki Tsa Jehova.