O ka Etsa Eng ho Itokisetsa Sehopotso?

Ho tloha selemong sena, re tla ba le nako e ngata ya ho itokisetsa Sehopotso sa lefu la Kreste. Haeba Sehopotso se le hara beke, ho ke ke ha e ba le Seboka sa Bophelo le Tshebeletso. Haeba Sehopotso se le mafelo beke, ho ke ke ha e ba le puo ya phatlalatsa le thuto ya Tora ya ho Lebela. Na o tla sebedisa nako eo e eketsehileng ka bohlale? Jwalo ka mehleng ya Baapostola, ho lokelwa ho etswe ditlhophiso bakeng sa ketsahalo ena ya bohlokwa. (Lu 22:7-13; km 3/15 1) Empa kaofela ha rona re lokela ho lokisa menahano ya rona le dipelo tsa rona. Re ka etsa seo jwang?

• Ka ho nahanisisa ka bohlokwa ba ho ba teng Sehopotsong.—1Ko 11:23-26

• Ka ho rapela le ho nahanisisa ka kamano ya rona le Jehova.—1Ko 11:27-29; 2Ko 13:5

• Ka ho bala le ho thuisa ka Mangolo a buang ka bohlokwa ba Sehopotso.—Joh 3:16; 15:13

Bahweletsi ba bang ba bala le ho thuisa ka mmalo wa Bibele wa Sehopotso o hlahang bukaneng ya Ho Hlahlobisisa Mangolo ka Mehla. Ba bang ba bala ditemana tsa Bibele tse hlahang tjhateng. Ha ba bang bona ba bala dihlooho tsa Tora ya ho Lebela tse buang ka Sehopotso le lerato leo Jehova le Jesu ba re bontshitseng lona. Ho sa tsotellehe ho re na o bala sengolwa sefe, e se e ka se ka o atametsa haufi le Jehova le Mora wa hae.