Jehova o Tla Ikutlwa Jwang?

Na re a ipotsa hore na ‘Jehova o tla ikutlwa jwang pele re etsa diqeto tse kgolo kapa tse nyane?’ Le hoja re ke ke ra tseba ntho enngwe le enngwe ka seo Jehova a se nahanneng, o re bolella dintho tseo re lokelang ho di tseba ka Lentsweng la hae e le hore re ka tshwaneleha bakeng sa “mosebetsi o mong le o mong o molemo.” (2Ti 3:16, 17; Bar 11:33, 34) Jesu o ne a tseba thato ya Jehova ka ho hlaka mme o ile a etsa hore e tle pele bophelong ba hae. (Joh 4:34) E se e ka re ka etsisa Jesu ka hore re leke ka hohle ho etsa diqeto tse thabisang Jehova.​—Joh 8:28, 29; Ef 5:15-17.

SHEBELLANG VIDEO E RENG LE TSWELE PELE HO LEMOHA SEO THATO YA JEHOVA E LENG SONA (LE 19:18), EBE KA MORA MOO LE ARABA DIPOTSO TSE LATELANG:

• Ke hobaneng ha re lokela ho sebedisa melaomotheo ya Bibele bophelong ba rona?

• Ke melaomotheo efe ya Bibele eo re ka nahanang ka yona ha re kgetha mmino oo re ka o mamelang?

• Ke melaomotheo efe ya Bibele eo re ka nahanang ka yona ha re itlhopha le ha re kgetha dintho tseo re ka di aparang?

• Ke maemong afe bophelong ba rona moo re lokelang ho sebedisa melaomotheo ya Bibele?

• Re ka etsa eng hore re tswele pele ho lemoha seo thato ya Jehova e leng sona?