Lefatshe le ile la “Metsa Noka”

Ho theosa le histori, ba boholong pusong ba nnile ba thusa batho ba Jehova. (Esd 6:1-12; Est 8:10-13) Esita le mehleng ena, re bone “lefatshe,” e leng ba boholong pusong ba nang le kahlolo e molemo, le kwenya “noka” ya mahloriso a susumeditsweng ke “drakone,” e leng Satane Diabolose. (Tše 12:16) Ka dinako tse ding Jehova, e leng “Modimo wa diketso tse pholosang,” a ka susumelletsa babusi hore ba thuse batho ba hae.​—Pes 68:20; Lipr 21:1.

Empa ho thweng haeba o tshwerwe ka lebaka la tumelo ya hao? O se ke wa belaela hore Jehova o na le wena. (Ge 39:21-23; Pes 105:17-20) Kgodiseha hore o tla putswa ka lebaka la tumelo ya hao le hore botshepehi ba hao bo kgothatsa barabeno lefatsheng lohle.​—Fil 1:12-14; Tše 2:10.

SHEBELLA VIDEO E RENG BARABABO RONA BA KOREA BA LOKOLLWA TERONKONG, EBE O ARABA DIPOTSO TSE LATELANG:

• Ke hobaneng ha barababo rona ba bangata ba South Korea ba ne ba tshwarwa ho theosa le dilemo?

• Lekgotla le ile la etsa diqeto dife tse ileng tsa etsa hore barababo rona ba bang ba lokollwe?

• Re ka thusa barababo rona ba lefatsheng lohle ba tshwerweng ka lebaka la tumelo ya bona jwang?

• Re lokela ho sebedisa tokoloho eo re nang le yona hona jwale jwang?

• Ke mang ya lokelang ho fumana thoriso ka lebaka la tlholo e fumanwang makgotleng?