PHELA JWALO KA MOKRESTE
Ithute Tsela eo Modimo a Nahanang ka Yona
Re batla ho thabisa Jehova ka ntho e nngwe le e nngwe eo re e etsang. (Pr 27:11) E le hore re etse jwalo, re lokela ho etsa diqeto tse bontshang hore re nahana jwalo ka yena le hoja ho se na molao kapa taelo e reng re etse dintho ka tsela e itseng. Re ka thuswa ke eng hore re etse jwalo?
Bala Bibele ka mehla. Ha re bala Bibele, ho tshwana le ha eka re qeta nako le Jehova. Re ka ithuta tsela eo Jehova a nahanang ka yona ka hore re bale ditlaleho le mehlala ya ka moo a neng a tshwara batho ba neng ba etsa dintho tse mpe kapa tse ntle. Ha re hloka ho etsa qeto, moya o halalelang o ka re hopotsa dithuto tsa bohlokwa le melaomotheo eo re ileng ra ithuta yona Lentsweng la Modimo.—Joh 14:26.
Etsa dipatlisiso. Ha o lokela ho etsa qeto ipotse, ‘Ke ditemana kapa ke ditlaleho dife tse ka hare ho Bibele tse ka nthusang ho utlwisisa ka moo Jehova a ikutlwang ka teng ka taba ee?’ Rapela hore Jehova a o thuse mme o sebedise dithulusi tseo mokgatlo o re etseditseng tsona ho etsa dipatlisiso ka puo ya heno ho o thusa hore o fumane o be o sebedise melaomotheo ya Bibele e amanang le bothata boo o nang le bona.—Ps 25:4
SHEBELLANG VIDEO YA RE LOKELA HO “MATHA KA MAMELLO”—EJA DIJO TSE NANG LE PHEPO E NTLE, EBE LE ARABA DIPOTSO TSE LATELANG:
Ke diteko dife tseo moradi wabo rona e motjha a ileng a kopana le tsona?
O ka sebedisa dithulusi tsa ho etsa dipatlisiso jwang ho o thusa ho sebetsana le mathata a tshwanang?
Re ka fumana molemo jwang ha re ipehela nako ya ho etsa dipatlisiso le ho etsa thuto ya botho tse ka re thusang ho etsa diqeto tse molemo?—Heb 5:13, 14