Eketsa Tshebeletso ya Hao Nakong ya Sehopotso

Selemo le selemo Dipaki Tsa Jehova di thabela ho tshwara Sehopotso di le ha mmoho. Dibeke pele ho Sehopotso le ka mora sona, re sebedisa monyetla oo hore re rorise re be re lebohe Jehova ka mpho ya thekollo. (Ef 1:3, 7) Ka mohlala, re sebetsa ka thata ho memela batho ba bang Sehopotsong. Ba bang ba etsa diphetoho e le hore ba ka nkela bopulamadiboho bo thusang ba dihora tse 30 kapa tse 50 ka kgwedi ya March kapa ya April. Na o ka rata ho eketsa dihora tseo o di qetang tshebeletsong nakong ena ya Sehopotso? O ka thuswa ke eng hore o etse seo?

Re ka thuswa ke ho etsa ditlhophiso esale pele. (Pr 21:5) Ka ha nako ya Sehopotso e se e atametse, re ka hla ra qalella ho etsa ditlhophiso hona jwale. Nahana ka hore na o ka eketsa tshebeletso ya hao jwang nakong ena ya Sehopotso mme o be o nahane hore na e le hore o finyelle seo o ka thuswa ke eng. Ka mora moo, kopa Jehova hore a hlohonolofatse boiteko ba hao ba ho finyella seo.​—1 Joh. 5:14, 15.

Na o ka nahana ka ditsela tse ding tsa ho eketsa tshebeletso ya hao nakong ya Sehopotso?