Ho Mamella ho Tshwarwa ka ho Hloka Toka

Bala Genese 37:​23-28; 39:​17-23 e le hore o ithute hore na Josefa o ile a mamella ho tshwarwa ka ho hloka toka jwang.

Ithute haholwanyane ka dintlha tse potolohileng taba. Ho tlile jwang hore Josefa a tshwarwe ka ho hloka toka? (Gen. 37:​3-11; 39:​1, 6-10) Josefa o ile a tlameha ho mamella ho tshwarwa ka ho hloka toka nako e kae? (Gen. 37:2; 41:46) Hona nakong eo, ke eng seo Jehova a ileng a se etsetsa Josefa le seo a sa kang a mo etsetsa sona?—Gen. 39:​2, 21; w23.01 17 ¶13.

Etsa dipatlisiso. Le hoja seo mosadi wa Potifaro a se buileng e ne e se nnete, Bibele ha e re Josefa o ile a mo shanofatsa. Mangolo a latelang a ka re thusa jwang ho nahana hore na ke hobaneng ha e ka nna yaba Josefa o ile a kgetha ho se re letho kapa hore na ke hobaneng ha re sa lebella hore re bolellwe dintlha tsohle? (Diprov. 20:2; Joh. 21:25; Dik. 21:37) E ka nna yaba ke makgabane afe a ileng a thusa Josefa ho mamella ho tshwarwa ka ho hloka toka?—Mik. 7:7; Luka 14:11; Jak. 1:​2, 3.

Nahana ka dintho tseo o ithutileng tsona. Ipotse:

• ‘Jwalo ka molatedi wa Jesu, nka lebella ho tshwarwa ka ho hloka toka ka ditsela dife?’ (Luka 21:​12, 16, 17; Baheb. 10:​33, 34)

• ‘Nka etsang hona jwale e le hore ke tle ke kgone ho mamella ho tshwarwa ka ho hloka toka?’ (Pes. 62:​7, 8; 105:​17-19; w19.07 2-7)