Dula o Latela Lenaneo la Hao la ho Bala Bibele Letsatsi le Letsatsi

Na o thatafallwa ke ho latela lenaneo la hao la ho bala Bibele letsatsi le letsatsi ka lebaka la dintho tse ngata tseo o lokelang ho di etsa? (Josh. 1:8) Haeba ho jwalo, leka e nngwe ya ditlhahiso tsena:

• Eba le ntho e tla dula e o hopotsa. Etsa hore fono ya hao e o hopotse ha e le nako ya ho bala Bibele.

• Beha Bibele ya hao moo o tla dula o e bona. Haeba o sebedisa Bibele e hatisitsweng, e behe moo o tla kgona ho e bona habonolo letsatsi le letsatsi.—Deut. 11:18.

• Mamela Bibele e rekotilweng. Ha o ntse o etsa mesebetsi ya letsatsi le letsatsi, mamela Bibele e rekotilweng. Moradi wa bo rona Tara eo e leng pulamadiboho ebile e le motswadi ya sebetsang bosiu o re: “Ha ke mamela Bibele e rekotilweng ha ke ntse ke etsa mesebetsi ya ka tlung, seo se nthusa hore ke kgone ho bala Bibele letsatsi le letsatsi.”

• O se ke wa tela. Haeba ho eba le dintho tse o sitisang hore o bale Bibele letsatsing leo, pele o robala bala ditemana tse mmalwa etswe sejo senyane ha se fete molomo.—1 Pet. 2:2.