Ke Mang eo o ka mo Tshepang?—Bibele e Reng?

Batho ba a swetseha ha batho bao ba neng ba ba tshepile ba ba phoqa. Ka lebaka la seo, batho ha ba sa tshepa . . .

• boradipolotiki ba behang dintho tseo ba di batlang ka pele ho ditlhoko tsa batho.

• metjha ya ditaba e sa bueng dintho tseo e leng nnete.

• bo rasaense ba sa nahaneleng setjhaba.

• baetapele ba bodumedi ba tshehetsang dipolotiki ka botlalo ho ena le ho emela Modimo.

Ke hantle hore batho ba be hlokolosi ka hore na ke mang eo ba ka mo tshepang, hobane Bibele e lemosa ka hore:

• “Le se ke la tshepa bahlomphehi kapa motho hobane a ke ke a le pholosa.”​—Pesaleme ya 146:3. nal, Bibele​—Phetolelo ya Lefatshe le Letjha.

Motho eo o ka mo tshepang

 Bibele e bua ka motho eo o ka mo tshepang, e leng Jesu Kreste. E ne e se monna feela ya lokileng ya phetseng dilemong tse ngata tse fetileng. Modimo o kgethile Jesu hore e be Morena mme “puso ya hae e ke ke ya fela.” (Luka 1:​32, 33) Jesu ke Morena wa Mmuso wa Modimo, o busang o le lehodimong.​—Matheu 6:10.

• Ho ithuta haholwanyane ka hore na ke hobaneng ha o ka tshepa Jesu, bala dihlooho tsena: “Morena wa Mmuso wa Modimo ke Mang?” le “Mmuso wa Modimo o Tla Etsang?”