Ntlha e botlaaseng ba leqephe

a Jehova o ile a bontsha phapang e kgolo tseleng eo batho ba hae ba neng ba tshwara ntlo ya hae e halalelang ka yona nakong e fetileng. O ile a re: “Ba ile ba beha monyako wa bona pela monyako wa ka le kosene ya monyako wa bona pela kosene ya monyako wa ka e le hore ho be le lebota feela dipakeng tsa ka le bona. Ba ile ba silafatsa lebitso la ka le halalelang ka dintho tse nyonyehang tseo ba neng ba di etsa.” (Ezek. 43:8) Mehleng ya kgale Jerusalema, tempele ya Jehova le matlo a batho di ne di arolwa ke lebota feela. Ha batho ba ntse ba tswela pele ho se mamele melao e lokileng ya Jehova, ba ne ba silafatsa ntlo ya Jehova ba bile ba rapela ditshwantsho ho yona. Modimo o ne a ke ke a mamella boemo boo.