Sefela sa Difela

Moriri wa hao o jwalo ka mohlape wa dipodi

Tse theohang dithabeng tsa Gileade.+

 2 Meno a hao a jwalo ka mohlape wa dinku di qeta ho kutwa,

Di nyoloha moo di tswa hlatsuwa teng,

Tseo kaofela ha tsona di tswalang mafahla,

Ho se e shwetsweng ke dikonyana.

 3 Molomo wa hao o jwalo ka kgwele e kgubedu

Mme dipuo tsa hao di monate.

Marama* a hao ka hara lesira

A jwalo ka kgarenate e arotsweng.

 4 Molala wa hao+ o jwalo ka tora ya Davida,+

E hahilweng ka makgethe ka majwe,

Eo ho yona ho fanyehwang dithebe tse sekete,

Dithebe tsohle tse tjhitja tsa banna ba matla.+

 5 Matswele a hao a jwalo ka madinyane a mabedi,

Mafahla a tshephe,+

A fulang hara mehaladitwe.”

 6 “Pele ho phola* le meriti e baleha,

Ke tla ya thabeng ya mira

Le leralleng la dibano tse tshweu.”+

 7 “O motle ka hohlehohle, lerato la ka+

Mme ha o na sekodi.

 8 A re tsamaye re tlohe Lebanone, monyaduwa wa ka,

A re tsamaye re tlohe Lebanone.+

Theoha tlhorong ya thaba ya Amana,*

Tlhorong ya thaba ya Senire e leng thaba ya Hermone,+

Dilaong tsa ditau, dithabeng tseo mangau a phelang ho tsona.

 9 O hapile pelo ya ka,+ wena moratuwa wa ka, monyaduwa wa ka,

O hapile pelo ya ka, ka ho ntjheba hanngwe feela,

Ka mokgabiso o le mong wa sefaha sa hao.

Lerato la hao le monate haholo ho feta veine,+

Le monko wa dioli tsa hao o monate ho feta mefuta yohle ya dinoko.+

Mahe a dinotshi le lebese di tlasa leleme la hao+

Mme monko o monate wa diaparo tsa hao o jwalo ka monko o monate wa Lebanone.

12 Moratuwa wa ka, monyaduwa wa ka, o jwalo ka serapa se kampetsweng,

Serapa se kampetsweng, sediba se kwahetsweng.

13 O tshwana le* serapa sa difate tseo makala a tsona a tletseng dikgarenate,

Se nang le ditholwana tse monate tsa mefutafuta le dimela tsa hena ha mmoho le dimela tsa nareda,

14 Nareda+ le palesa ya safrone, lehlaka*+ le sinamone,+

Le difate tsa mefuta yohle ya dibano tse tshweu, mira le makgala+

Ha mmoho le dioli tsohle tse nkgang ha monate tsa boleng bo botle ka ho fetisisa.+

15 O sediba sa serapa, sediba sa metsi a hlwekileng,

Melapo e phallang e tswang Lebanone.+

16 Tsoha, moya wa leboya,

Kena, moya wa borwa.

“Ke lakatsa eka moratuwa wa ka a ka tla serapeng sa hae,

A je ditholwana tsa sona tse monate ka ho fetisisa.”