3. Keng e etsang hore batho ba fapane le diphoofolo?

Ka mora hore Jehova Modimo a bope lefatshe, o ile a bopa dintho tsohle tse phelang ho lona. O qadile ka ho bopa dimela le diphoofolo tse ngata. Ka mora moo, “Modimo a bopa motho ka setshwantsho sa hae.” (Bala Genese 1:27.) Batho ba fapane le diphoofolo hobane ba bopilwe ka setshwantsho sa Modimo, e leng hore ba kgona ho ba le makgabane a tshwanang le a hae, jwalo ka lerato le toka. O boetse o bopile batho ba na le bokgoni ba ho ithuta dipuo, ho bona dintho tse ntle le ho thabela mmino. Hape, ho fapana le diphoofolo tse ding tsohle, batho ba kgona ho rorisa Mmopi wa bona.

6. Modimo o bopile batho ka tsela e ikgethang

Re fapane hole le diphoofolo tsohle tseo Jehova a di bopileng. Bala Genese 1:26 ebe le buisana ka potso ena:

• Ka ha re bopilwe ka setshwantsho sa Modimo, taba ya hore re kgona ho rata le ho utlwelana bohloko e paka eng ka Modimo?