Pono e Matlafatsang Tumelo

9:1-7

Nakong eo Jesu a neng a fetoha sebopeho, nahana ka moo a ileng a ikutlwa kateng ha a utlwa Ntate wa hae wa lehodimo a phatlalatsa hore o a mo amohela. Ka ha Jesu o ne a le haufi le ho tobana le maemo a boima, ha ho pelaelo hore sena se ile sa mo matlafatsa tumelo. Pono ena e ile ya boela ya ama Petrose, Jakobo le Johanne. Jesu e ne e le yena Mesia, kahoo ho ne ho loketse hore ba mo mamele. Dilemo tse 32 ka mora ketsahalo ena, Petrose o ne a ntse a hopola hantle se ileng sa etsahala mme sena se ile sa matlafatsa tumelo ya hae ‘lentsweng la boprofeta.’—2Pe 1:16-19.

Le hoja re sa bona pono ena e hlollang, re bona ho phethahala ha yona. Jesu o busa e le Morena ya matla. Haufinyane o tla “phetha tlholo ya hae” mme a re bulele tsela e yang lefatsheng le letjha la ho loka.—Tše 6:2.

Ho bona boprofeta ba Bibele bo phethahala, ho matlafaditse tumelo ya hao jwang?