14. Re ka fana ka mantswe a matshediso jwang ho ba hlokahalletsweng?

¹⁴ Ka dinako tse ding, ho ka ba thata ho tseba seo re lokelang ho se bua ho motho ya hlokahalletsweng. Le ha ho le jwalo, Bibele e re “maleme a ba bohlale ke phodiso.” (Liprov. 12:18) Ba bangata ba fumane mantswe ao ba ka kgothatsang ba bang ka ona bukaneng ya Ha Eo U Mo Ratang A E-shoa.c Leha ho le jwalo, ho molemo le ho feta ke ho ‘lla le batho ba llang.’ (Bar. 12:15) Gaby, ya ileng a hlokahallwa ke monna, o re: “Ho lla e se le ntho eo ke e tlwaetseng. Ke kahoo ke tshedisehang ha metswalle ya ka e lla le nna. Ka nako eo, ke utlwa eka ha ke mong bohlokong ba ka.”

20. Ke hobaneng ha ditshepiso tsa Jehova e le mohlodi o moholo wa matshediso?

²⁰ Ho tshedisa hakaakang ho tseba hore Jehova, Modimo wa matshediso ohle, o tla fedisa bohloko bohle bo bakwang ke lefu mme a fane ka matshediso a ka ho sa feleng! O tla etsa sena ha “bohle ba mabitleng a kgopotso ba tla utlwa lentswe la [Jesu] mme ba tswe.” (Joh. 5:28, 29) Modimo o tshepisa hore “o tla metsa lefu ka ho sa feleng, mme ka sebele Mmusi Morena Jehova o tla hlakola meokgo difahlehong tsohle.” (Esa. 25:8.) Ka nako eo, ho e na le ho ‘lla le batho ba llang’ baahi ba lefatshe lohle ba tla ‘thaba le batho ba thabileng.’​—Bar. 12:15.