Diboka Tsa Dipaki Tsa Jehova di ka o Tswela Molemo Jwang?

Na o se o kile wa ya dibokeng tsa Dipaki Tsa Jehova? Haeba ha o eso ye, o ka nna wa tshaba ho ya ka lekgetlo la pele. O ka nna wa ipotsa: ‘Ebe ho etsahalang dibokeng? Ke hobaneng ha di le bohlokwa? Ke hobaneng ha ke lokela ho ya?’ Kgaolong ena, o tlo ithuta hore na ke jwang ho bokana ha mmoho le batho ba bang ho matlafatsang setswalle sa hao le Modimo le hore na ho ka o tswela molemo jwang.

1. Ke hobaneng ha Dipaki Tsa Jehova di ba le diboka?

Hlokomela ka moo mongodi e mong wa Bibele a ileng a hlalosa bohlokwa ba ho bokana ha mmoho ka teng: “Ke tla boka Jehova hara matshwele a phuthehileng.” (Pesaleme ya 26:12) Ka tsela e tshwanang Dipaki Tsa Jehova di thabela ho bokana ha mmoho. Lefatsheng lohle di etsa sena beke le beke ho tla rapela Jehova, ho ithuta ka yena le ho mo binela dipina tse mo rorisang. Ka makgetlo a mmalwa selemo le selemo di bokana ha mmoho ka dihlopha tse kgolo bakeng sa ho rorisa Jehova.

2. O tla ithutang ha o ile dibokeng tsa rona?

Ha re le dibokeng, re ithuta Lentswe la Modimo, ‘ha le ntse le qaqiswa mme le ntse le kenngwa moelelo.’ (Bala Nehemia 8:8.) Ha o tlile dibokeng tsa rona o tla ithuta ka Jehova le ka makgabane a hae a babatsehang. Ha o ntse o ithuta haholwanyane ka moo Modimo a o ratang ka teng, o tla mo rata le ho feta. O tla boela o bone hore na a ka o thusa jwang hore o phele ka tsela e kgotsofatsang.​—Esaia 48:17, 18.

3. Batho bao o tla kopana le bona dibokeng tsa rona ba ka o thusa jwang?

Jehova o laetse hore re “nahanelaneng hore re susumeletsane leratong le mesebetsing e metle, re sa tlohele ho bokana ha rona.” (Baheberu 10:24, 25) Ha o tlile dibokeng tsa rona o tla kopana le batho ba ratanang e le kannete mme ba thabela ho ithuta ka Jehova jwalo ka wena. O tla utlwa ba bua dintho tse kgothatsang tse tswang Bibeleng. (Bala Baroma 1:11, 12.) O tla boela o be le monyetla wa ho tseba batho ba thabileng le hoja ba ntse ba na le mathata, ebang ba lenyalong kapa tjhe. Ana ke a mang a mabaka ao ka ona Jehova a batlang hore re bokane ha mmoho ka mehla.

ITHUTE DINTLHA TSE DING

4. Diboka tsa Dipaki Tsa Jehova

Mehleng ya baapostola, Bakreste ba ne ba atisa ho bokana ha mmoho ho tla rapela Jehova. (Baroma 16:3-5) Bala Bakolose 3:16 ebe le buisana ka potso ena:

• Bakreste ba mehleng ya baapostola ba ne ba rapela Jehova jwang?

VIDEO: Ho Etsahala Eng Holong ya Mmuso? (2:12)

• Ke dintho dife tse tshwanang tseo o di hlokometseng dipakeng tsa se etsahalang Holong ya Dipaki le seo o se badileng ho Bakolose 3:16?

• Na ho na le ntho e nngwe e o kgahlileng ka diboka tsa Dipaki ha o shebeletse video kapa o shebile setshwantsho see?

Bala 2 Bakorinthe 9:7 ebe le buisana ka potso ena:

• Ke hobaneng ha Dipaki Tsa Jehova di sa kope koleke dibokeng tsa tsona?

Wena le motho ya o rutang Bibele le ka buisana hore na ho tlo ithutwang dibokeng bekeng ena.

• O nahana hore ke karolo efe ya seboka eo o tla e thabela kapa e tla o thusa?

Na o ne o tseba?

Ho jw.org/st-za, o ka fumana dibaka tseo diboka di tshwarelwang ho tsona lefatsheng ka bophara le hore na di tshwarwa neng.

1. Dibokeng tsa rona ho ba le dipuo, divideo le mehlala ya seo re ka se etsang ha re ruta batho Bibele. Re qala diboka le ho di kwala ka pina le thapelo

2. Nakong ya dikarolo tse itseng tsa lenaneo, ho kopuwa bamamedi hore ba fane ka dintlha tsa bona

3. Ho amohelwa motho e mong le e mong, ebang ke malapa, ba seng lenyalong, ba hodileng kapa bana

4. Dibokeng tsa rona ho kenwa mahala. Dipaki Tsa Jehova ha di patadise batho ha ba kena monyako, ebile ha di tsamaise sekotlolo sa koleke

5. O lokela ho etsa boiteko e le hore o ye dibokeng

Nahana ka mohlala wa lelapa labo Jesu. Selemo le selemo ba ne ba lokela ho tsamaya dikhilomithara tse 100, sebakeng se dithaba ho tloha Nazaretha ho ya Jerusalema tempeleng. Bala Luka 2:39-42 ebe le buisana ka dipotso tse latelang:

• Na o nahana hore leeto lee la ho ya Jerusalema le ne le hloka boiteko?

• Ke hobaneng ha ho ka nna ha hlokeha hore o etse boiteko e le hore o be teng dibokeng?

• Na o nahana hore ho tla o tswela molemo? Ke hobaneng ha o nahana jwalo?

• Ke hobaneng ha re lokela ho ya dibokeng ka mehla?

KAKARETSO

Ho ba teng dibokeng ho tla o thusa hore o ithute haholwanyane ka Jehova, o mo rate haholwanyane le hore o mo rapele ha mmoho le batho ba bang.

Re Ithutileng?

• Ke hobaneng ha Jehova a re kgothalletsa hore re bokane ha mmoho?

• O tla ithutang ha o ile dibokeng tsa Dipaki Tsa Jehova?

• O ka fumana melemo efe hape ha o ile dibokeng?

BATLA

O ka etsang haeba o tshoha ha o nahana ho ya dibokeng? Bona hore na ntate e mong eo le yena a neng a tshohile o ile a thuswa keng hore a qetelle a di rata.

Re ke ke ra Lebala Kamohelo eo e Mofuthu (4:16)

Bona hore na mohlankana e mong o ile a thabela diboka jwang le hore na o ile a etsang e le hore a dule a ya ho tsona.

Ke ne ke Rata Diboka Haholo! (4:33)

Bala hore na batho ba bang ba ikutlwa jwang ka ho ba teng dibokeng.

“Ke Hobaneng ha o Lokela ho ya Dibokeng Holong ya Mmuso?” (Sehlooho se websaeteng)

Fumana hore na ntate e mong eo e neng e le setho sa kenke e kotsi o ile a fetola bophelo ba hae jwang ka mora hore a ye dibokeng tsa Dipaki Tsa Jehova.

“Ke ne ke Dula ke Tsamaya ke Nkile Sethunya sa Ka” (Molula-Qhooa, July 1, 2014)

5. Ho tloha ka 1914 boemo ba lefatshe bo ile ba fetoha

Bapala VIDEO.

VIDEO: Ho Tloha ka 1914 Boemo ba Lefatshe bo ile ba Fetoha (1:10)

Jesu o ile a bua ka dintho tse neng di tla etsahala lefatsheng ka mora hore ebe Morena. Bala Luka 21:9-11 ebe le buisana ka potso ena:

• Dinthong tse hlahang moo, ke dife tseo o kileng wa di bona kapa wa utlwela ka tsona?

Moapostola Pauluse o ile a hlalosa hore na batho ba ne ba tla ba jwang mehleng ya bofelo. Bala 2 Timothea 3:1-5 ebe le buisana ka potso ena:

• Na ho na le batho bao o kileng wa bona ba etsa dintho tsee?

6. Taba ya hore Mmuso wa Modimo o a busa e lokela ho re kgothatsa

Bala Matheu 24:3, 14 ebe le buisana ka dipotso tsena:

• Ke mosebetsi ofe wa bohlokwa o bontshang hore Mmuso wa Modimo o a busa hona jwale?

• O ka thusetsa jwang mosebetsing oo?

Mmuso wa Modimo o a busa hona jwale mme nako ya hore o buse ka ho felletseng lefatsheng e haufi. Bala Baheberu 10:24, 25 ebe le buisana ka potso ena:

• E mong le e mong wa rona o lokela ho etsang jwalo ka ha re bona “letsatsi le ntse le atamela”?