Eba Masene ha o Fana ka Sengolwa sa Bibele

Jesu o itse: “Le amohetse ntle ho tefo, le fane ntle ho tefo.” (Mat 10:8) Re mamela tataiso eo ka hore re se ke ra patadisa batho ha re fana ka Bibele kapa sengolwa sa Bibele. (2Ko 2:17) Leha hole jwalo, dingolwa tsena di na le molaetsa wa bohlokwa e leng nnete ya Bibele. Ho sebetswa ka thata ebile ho sebediswa tjhelete e ngata ho printa dingolwa tsena le hore di romelwe diphuthehong lefatsheng lohle. Kahoo, re lokela ho nka feela tseo re tla di hloka.

Sebedisa temoho ha o fa batho dingolwa esita le ha o etsa bopaki ba phatlalatsa. (Mat 7:6) Etsa boiteko ba ho qoqa le motho ho bona hore na ehlile o thabela molaetsa, ho e na le ho fana feela ka dingolwa. Dipotso tse lebokoseng lena le ka thoko, di tla o thusa hore o bone hore na ke motho ofeng eo o ka mo fang sengolwa. Haeba ho sa hlaka ho re na motho o thabela molaetsa kapa tjhe, ho ka ba molemo ho mo fa pampitshana. Empa haeba motho a ikopela makasine kapa sengolwa leha ele sefe o ka mo fa.—Lipr 3:27, 28.