PINA YA 55
Le se ke la Tshaba Batho
1. Tswelang pele batho ba ka,
Le bolele ka Mmuso.
Le se ke la ba tshaba.
Tsebisang ba mamelang
Hore Kreste, Mora wa ka,
O ahlotse Satane.
Haufinyane o tla tlangwa
Mme ke tla le pholosa.
(KHORASE)
Le se ke la tshaba batho
Le hoja ba le tshosa.
Ke nna ya le sireletsang
Hobane ke le rata.
2. Le ha dira di le ngata
Di leka ho le tshosa,
Le ha di le hlasela
Di leka ho le thetsa,
Le se ke la tshaba letho
Le ha le ka hloriswa.
Ke tla pholosa bohle
Ba tshepahalang ka mehla.
(KHORASE)
Le se ke la tshaba batho
Le hoja ba le tshosa.
Ke nna ya le sireletsang
Hobane ke le rata.
3. Ka mehla ke tla hopola
Mesebetsi ya lona.
Le ha ba le bolaya
Ke nna ya tla le tsosa.
Le se ke la tshaba batho,
Ke tla le sireletsa.
Le dule le tshepahala,
Ke nna ya tla le putsa.
(KHORASE)
Le se ke la tshaba batho
Le hoja ba le tshosa.
Ke nna ya le sireletsang
Hobane ke le rata.
(Sheba le Deut. 32:10; Neh. 4:14; Pes. 59:1; 83:2, 3.)