Dithapelo Tsa Rona di Bohlokwa ho Jehova

Dithapelo tse amohelehang di tshwana le dibano tse nkgang hamonate tse neng di tjheswa ka mehla tempeleng ka pela Jehova. (Ps 141:2) Re bontsha hore re ananela setswalle sa rona le Jehova, ha re mo jwetsa hore re a mo rata le hore re ananela seo a re etsetsang sona. Re ka boela ra mo bolella dintho tseo re di batlang le dintho tse re tshwenyang, ra ba ra kopa tataiso ya hae. Jehova o nka dithapelo tse kgutshwanyane tse etswang dibokeng e le karolo ya bohlokwa ya borapedi ba rona. Le ha ho le jwalo, o a thaba ha re qeta nako e telele re bua le yena ka thapelo ebile re mo bolella tsela eo re ikutlwang ka yona le eo re nahanang ka yona.​—Pr 15:8.

SHEBELLANG VIDEO YA KE RAPELA KA DINAKO TSOHLE EBE LE ARABA DIPOTSO TSE LATELANG:

• Morabo rona Johnson o ile a thabela mesebetsi efe tshebeletsong ya hae ho Jehova?

• Morabo rona Johnson o ile a itshetleha ka Jehova jwang a sebedisa thapelo?

• O ithutileng dinthong tse ileng tsa hlahela Morabo rona Johnson?