PINA YA 48
Re Tsamaye le Jehova ka Mehla
E Hatisitsweng
1. Re tsamaya le Jehova,
Re ikokobeletsa yena.
Jehova o re hauhetse,
O re bontshitse mosa wa hae.
O’a re hlohonolofatsa
Mme o’a re tataisa.
Re inehela ho yena,
Re mo mamela ka mehla.
2. Satane o halefile
Ha bofelo bo atamela.
O dula a re hlasela,
O batla re lahle Jehova.
Empa Jah o tla re thusa.
O tla re sireletsa
Hore re mo sebeletse,
Re tshepahale ka mehla.
3. Jah Modimo o re thusa
Ka moya wa hae le ka Lentswe,
Ka phutheho ya Bokreste
Le ka ho utlwa dithapelo.
Jehova o tla re thusa
Hore re tshepahale.
Re nne re ikokobetse
Ha re tsamaya le yena.
(Sheba le Gen. 5:24; 6:9; 1 Mar. 2:3, 4.)