PINA YA 159
Rorisang Jehova
1. Jehova Ntate wa rona,
Re tla o leboha jwang?
O re file dintho tsohle,
Wa re bontsha rato la hao.
Ha re sheba lehodimo,
Re nahana ka wena
Modimo ya Matla Ohle,
Ya re hlohonolofatsang.
(KHORASE)
Re rorisa bitso la hao Ntate,
Re o binela pina.
O tshwanelwa ke thoriso Ntate.
O Modimo wa rona.
Re tla rorisa wena.
2. Re inehetse ho wena.
Re tla o sebeletsa,
Re tsebise batho bohle
Mesebetsi yohle ya hao.
Ntate o re file tlotla
Ya ho bitswa ka wena.
Re tla nne re o rorise
Ka dipelo tse thabileng.
(KHORASE)
Re rorisa bitso la hao Ntate,
Re o binela pina.
O tshwanelwa ke thoriso Ntate.
O Modimo wa rona.
Re tla rorisa wena.
3. Ha re bona dinaledi,
Mawatle le dithaba,
Re hopola rato la hao,
Re bona bohlale ba hao.
Ha re sheba popo ya hao,
Re bona matla a hao.
E etsa hore re thabe,
Re rorise bitso la hao.
(KHORASE)
Re rorisa bitso la hao Ntate,
Re o binela pina.
O tshwanelwa ke thoriso Ntate.
O Modimo wa rona.
Re tla rorisa wena.
(Sheba le Ps. 96:1-10; 148:3, 7.)