Tsela e Kgethehileng eo Dinotshi di Dulang Fatshe ka Yona

HA DINOTSHI di le moyeng di kgona ho theohela fatshe habonolo feela. Di etsa see jwang?

Ako Nahane ka Sena: Ho fapana le dikokonyana tse ding, dinotshi di kgona ho dula fatshe ka katleho, di sa lemale. Hore di etse sena, ho hlokahala hore di lekanye lebelo la tsona le sebaka seo dibatlang ho dula ho sona. Sena se hlola dikokonyana tse ding kaha tsona, pele di dula fatshe di tsepamisa mahlo sebakeng se le seng hape ha di kgone ho lekanya lebelo.

Tsela eo dinotshi di bonang ka yona, e fapane le eo batho ba bonang ka yona kaha batho ba sebedisa mahlo a bona ka bobedi e le hore ba bone dintho hantle. Dinotshi tsona di sebedisa ntho eo batho kaofela ba e tsebang, ya hore ha o shebile ntho ebe o ntse o atamela ho yona o bona e ntse e hola. Ha di theoha hodimo mme di ntse di atamela moo di batlang ho dula teng di bona ntho eo e hola ka potlako. Dipatlisiso tse entsweng Yunivesithing ya Australia li bontsha hore dinotshi di fokotsa lebelo la tsona e le hore boholo ba ntho eo di e shebileng bo seke ba fetoha. Ha di fihla fatshe lebelo la tsona le se le fokotsehile haholo hoo di nolofallwang ke ho dula fatshe.

Koranta engwe e re: “Tsela e bonolo eo dinotshi di kgonang ho dula fatshe ka yona . . . etla nolofalletsa baetsi ba diroboto tse fofang ho di etsetsa tataiso e bolokehileng.”

O nahanang ka see? Na tsela e bolokehileng eo dinotshi di dulang fatshe ka yona ebile teng ka ho iphetola ha dintho kapa e entswe?