KAROLO YA 7

Jesu e ne e le Mang?

Jehova o ile a romela Jesu lefatsheng. 1 Johanne 4:9

Jesu o ka letsohong le letona la Modimo lehodimong

Haeba re batla ho kgahlisa Jehova, re lokela ho mamela motho e mong wa bohlokwa. Jehova o ile a bopa motho ya matla wa moya lehodimong, nako e telele pele a bopa Adama.

Maria moo e leng moimana le moo Jesu a qetang ho hlaha

Ka mora nako e itseng, Jehova o ile a etsa hore a hlahele Bethlehema, a belehwe ke morwetsana ya bitswang Maria. Lesea leo le ile la rehwa Jesu.—Johanne 6:38.

Ha Jesu a ne a phela lefatsheng, o ile a bonahatsa botho ba Modimo ka tsela e phethahetseng. O ne a le mosa, a rata batho mme batho ba ne ba sa tshabe ho tla ho yena. O ile a ruta batho nnete ka Jehova a sa tshabe letho.

Jesu o ne a etsa dintho tse molemo empa o ne a hloilwe. 1 Petrose 2:21-24

Jesu o tsosa ngwanana ya shweleng mme o phekola monna ya kulang

Jesu o ile a boela a fodisa batho ba kulang a ba a tsosa le ba bang ba neng ba shwele.

Baetapele ba bodumedi ba ne ba hloile Jesu kaha o ne a pepesa dithuto tsa bona tsa bohata le ditsela tsa bona tse kgopo.

Baetapele ba bodumedi ba ile ba susumelletsa Baroma hore ba otle Jesu ba be ba mo bolaye.