Jesu “o Ile a Ithuta ho Mamela”

Haesale Jesu a mamela Jehova. (Joh. 8:29) Jwale, ke hobaneng ha Bibele e re: “O ile a ithuta ho mamela dinthong tse bohloko tse ileng tsa mo hlahela”?—Baheb. 5:8.

Ha Jesu a ntse a le lefatsheng, o ile a tobana le mathata ao a sa kang a tobana le ona ha a ne a le lehodimong. O hodisitswe ke batswadi ba neng ba rata Jehova empa ba sa phethahala. (Luka 2:51) O ile a mamella ho tshwarwa hampe ke baetapele ba bodumedi ba kgopo le balaodi. (Mat. 26:59; Mar. 15:15) Hape “o ile a ikokobetsa mme a mamela ho fihlela a shwa” lefu le bohloko.—Bafil. 2:8.

Ka hoo, tsela eo Jesu a ileng a ithuta ho mamela dinthong tse ileng tsa mo hlahela ha a le lefatsheng e fapane le tsela eo a ileng a ithuta ho mamela ka yona ha a le lehodimong. Ke ka hoo a neng a tshwaneleha ho ba Morena le Moprista ya Phahameng ya neng a tla re utlwisisa. (Baheb. 4:15; 5:9) Jesu e ile ya eba wa bohlokwa le ho feta ho Jehova ka mora ho ithuta ho mamela dinthong tse bohloko tse ileng tsa mo hlahela. Le rona re ka ba ba bohlokwa le ho feta ho Jehova mme a re fa mosebetsi le ha e le ofe haeba re dula re mamela le tlasa maemo a thata.—Jak. 1:4.