Georgia

HA DITABA tse molemo di phatlalatswa naheng ya Georgia, ho bile jwalo kaha Jesu a ile a bolela papisong ya tomoso. (Mat. 13:33) Qalong, batho ba bangata ba ne ba sa tsebe ho hongata ka ditaba tse molemo empa kamora nakwana di ile tsa tsebahala Georgia yohle mme tsa fetola bophelo ba batho ba bangata.

Bala pale e thabisang le e kgothatsang ya kamoo bahlanka ba Modimo ba dulang Georgia ba ileng ba bontsha lerato, tumelo, botshepehi, boikitlaetso le sebete kateng ‘nakong e tshwanelang le nakong e dikgathatso.’—2 Tim. 4:2.