Tlhaloso e Kgutshwanyane ya Georgia

Naha Georgia e tsebahala ka dithaba tsa yona tse telele tse tletseng lehlwa. Naha ya Georgia e na le dikarolo tse pedi, e ka botjhabela le e ka bophirimela. Karolo e nngwe le e nngwe e na le setso sa yona, boemo ba lehodimo, dijo, mmino le tsela e fapaneng ya ho jaefa.

Batho Boholo ba baahi ba ka bang dimilione tse 3.7 ba hlahetse Georgia.

Bodumedi Batho ba bangata ba Georgia ba kena kereke ya Orthodox mme ba ka bang diphesente tse leshome ke Mamoseleme.

Puo Batho ba Georgia ba bua puo e fapaneng le e buuwang dinaheng tsa boahelane. Borahistori ba re ditlhaku tsa Segeorgia di qadile ho sebediswa kgale pele ho mehla ya rona.

Mokgwa wa Boiphediso Batho ba bangata ba dulang Georgia ba iphedisa ka ho lema. Morao tjena batho ba bangata ba se ba rata ho etela Georgia mme seo se etsa hore moruo wa yona o hole.

Boemo ba Lehodimo Karolo e ka botjhabela ya Georgia e futhumetse hamonate. Moya o tswang lewatleng la Black Sea o etsa hore ho futhumale mme ditholwana tse kang dilamunu di hlaha ka bongata.

Dijo Batho ba Georgia ba rata bohobe haholo. Bohobe ba setso bo etswa ka onto ya letsopa. Bo jelellwa ka nama ya setjhu se nang le sepaese se monate le ka meroho. Georgia e tumme ka waene mme e etsetswa ka dinkgong tsa letsopa. Malapeng a mangata ho na le difate tsa morara kahoo beng ba teng ba kgona ho iketsetsa waene. Georgia ho na le mefuta e 500 ya difate tsa morara.