31 U etse seaparo se se nang matsoho sa efoda ka khoele e putsoa feela.+ 32 Ho be le lesoba karolong ea sona e molaleng.* Le be le lemeno ka hohle le lohiloeng ke motho ea sebetsang ka foreimi e etsang masela. Lesoba leo le be thata joaloka lesoba la seaparo sa tšepe e le hore le se ke la taboha. 33 U etse likharenate ka khoele e putsoa, ulu e pherese le lesela le lefubelu ho potoloha lemeno le tlase la seaparo le litleloko* tsa khauta pakeng tsa tsona. 34 U etse hore tleloko ea khauta e lateloe ke kharenate, e be tleloko ea khauta ’me pel’a eona e be kharenate. U li kenye joalo ho potoloha lemeno le tlase la seaparo se se nang matsoho. 35 Se aparoe ke Arone e le hore a ka sebeletsa e le moprista ’me molumo o etsoang ke litleloko o utloahale ha a kena ka sehalalelong ka pel’a Jehova le ha a tsoa e le hore a se ke a shoa.+