Khatiso e Ithutoang

MORERO OA LIHLOOHO TSE ITHUTOANG

SEHLOOHO SE ITHUTOANG 1 LEQEPHENG LA 3-7

Morena Davida oa Iseraele ea boholo-holo o ne a hlompha lebitso la Jehova le morero oa Hae haholo. O ne a boetse a ithutile melao-motheo e Molaong oa Molimo ’me joalokaha sehlooho sena se bontša, o ile a kōpa hore Jehova a mo rute ho etsa thato ea Hae. Sehlooho sena se boetse se re thusa ho bona hore na ke hobane’ng ha re lokela ho talima lintho ka tsela eo Jehova a li talimang ka eona ka linako tsohle.

LIHLOOHO TSE ITHUTOANG 2, 3 LEQEPHENG LA 10-19

Kaha balateli ba Jesu ke Bakreste ba ’nete, baa hlokomela hore ba lokela ho ikokobetsa. Sehloohong sa pele ho tla tšohloa mohlala oa boikokobetso oo Jesu a ileng a re behela oona e le hore re latele mehato ea hae haufi-ufi. Sehlooho sa bobeli se bontša kamoo re ka loanelang ho itšoara joaloka ea tlaase le kamoo re ka bonahatsang tšobotsi eo bophelong ba rōna kateng.

LIHLOOHO TSE ITHUTOANG 4, 5 LEQEPHENG LA 21-30

Lihlooho tsena li tla re thusa hore re hlokomele hore Jehova o ikemiselitse ho re tšoarela esita le libe tse tebileng haholo. Ka linako tse ling maemo a ka ’na a etsa hore re thatafalloe ho ikemisetsa ho tšoarela batho ba bang. Leha ho le joalo, melao-motheo ea Mangolo e ka re thusa hore re ikemisetse ho ba tšoarela.