KHATISO E ITHUTOANG

LIHLOOHO TSE ITHUTOANG

▪ Le be Sebete—Jehova o na le Lōna!

Batho ba bangata bao ho buuoang ka bona ka Mangolong ba ile ba bontša hore ba na le tumelo ebile ba sebete. Ha re tšohla tse ling tsa lintho tse etsahetseng ho bona, seo se tla re matlafalletsa hore re bontše tumelo re be re sebeletse Jehova ka sebete. Sehlooho sena se totobatsa temana ea rōna ea selemo ea 2013.

▪ U se ke Ua Lumella Letho ho U Suthisetsa Hōle le Jehova

▪ Loanela ho Lula U E-na le Kamano e Haufi le Jehova

Ho na le lintho tse ngata bophelong tseo re sa ikhetheleng tsona; batsoali, bana babo rōna le hore na re hlahela sebakeng sefe. Leha ho le joalo, kamano ea rōna le Jehova eona e fapane. Re ka ikhethela hore na re ba le kamano e haufi le eena kapa che. Lihloohong tsena re tla tšohla lintho tse supileng bophelong ba rōna tseo ho tsona re sa lokelang ho lumella letho ho re suthisetsa hōle le Jehova.

▪ Ho Sebeletsa Molimo re sa Ikoahlaee

Kaofela ha rōna ho na le lintho tseo re ’nileng ra li etsa tseo ekang re ka be re li entse ka tsela e fapaneng. Leha ho le joalo, ha rea lokela ho lumella lintho tseo hore li re nyahamise hona joale ha re ntse re sebeletsa Molimo. Sehloohong sena, re tla ithuta mohlaleng oa moapostola Pauluse hore na ke ka tsela efe re ka tsoelang pele ho sebeletsa Jehova re sa ikoahlaee.

▪ Baholo ba Bakreste—‘Basebetsi-’moho Bakeng sa Thabo ea Rōna’

Lengolong la hae la bobeli leo a ileng a le ngolla Bakorinthe, Pauluse o ile a bolela hore eena le batho bao a neng a sebetsa le bona e ne e le ‘basebetsi-’moho bakeng sa thabo ea bona.’ (2 Bakor. 1:24) Mantsoe ao a Pauluse a lokela ho ama baholo ba Bakreste joang? Ho feta moo, e mong le e mong oa rōna a ka kenya letsoho joang hore ho be le thabo ka phuthehong? Re tla tšohla likarabo tsa lipotso tsena sehloohong sena.