KHATISO E ITHUTOANG

LIHLOOHO TSE ITHUTOANG

▪ Ananela Litšobotsi Tsa Jehova ka Botlalo

▪ Ananela ho Fana ha Jehova le Kahlolo ea Hae e Molemo

▪ Ananela ho Tšepahala le ho Tšoarela ha Jehova

Bakreste ba bangata ba nka hore Jehova o na le litšobotsi tse ’nè tse ka sehloohong. Empa lihlooho tsena tse tharo li tla re thusa hore re ananele le ho feta litšobotsi tse ling tsa Jehova tse ’maloa tseo re sa atiseng ho ithuta ka tsona. Mabapi le tšobotsi ka ’ngoe, re tla tšohla lipotso tsena: Tšobotsi ee e bolela’ng? Jehova o e bontša joang? Hona re ka etsisa Jehova joang ka hore re bonahatse tšobotsi eo?

▪ Lumella Taeo ea Jehova Hore e U Bōpe

Ha Mangolo a hlalosa bolaoli boo Jehova a nang le bona holim’a batho, ka tsela ea tšoantšetso a re Jehova ke “Sebōpi sa rōna.” (Esa. 64:8) Sehlooho sena se bontša seo re ka ithutang sona ka Sebōpi se Seholo tseleng eo Sebōpi sena se ’nileng sa bōpa batho le lichaba ka eona nakong e fetileng. Se boetse se tšohla taba ea hore na re ka rua molemo joang ha a re bōpa kajeno.