Liboka Tsa Tšebeletso
BEKE E QALANG KA AUGUST 6
12 mets: Litsebiso tsa phutheho le Litsebiso tse khethiloeng ho Tšebeletso ea Rona ea ’Muso. Bala Karolo ea Lipotso ’me u hlalose ka bokhutšoanyane bohlokoa ba moaparo o loketseng, boitlhopho, le chebahalo e ntle ha motho a emela mokhatlo o hlophisitsoeng oa Jehova. Hopotsa phutheho ka sepheo sa ho tsoela tšebeletsong ka mehla ka ho felletseng, le ho thusa ba bacha hore ba tsoe ka mehla. Loanelang ho phethela selemo sa tšebeletso ka tlhōrō ea khoeli ea mosebetsi. Khothalletsa ho paka ka limakasine Moqebelong ona.
18 mets: “Chesehela ho Hasa Molaetsa oa ’Muso.” Puisano ka lipotso le likarabo. Ka mor’a ho buisana ka serapa 6, etsa pontšo kamoo ho ka nehelanoang ka libukana tse lekanang le makasine joalokaha ho entsoe tlhahiso serapeng. Sebelisa Sehlooho sa Puisano. Totobatsa bohlokoa ba ho cheseha tšebeletsong ea tšimo.
15 mets: “Ho Sebelisa Sekolo ho Ntlafatsa Boboleli ba Tšimo.” Molebeli oa sekolo o buisana le bamameli ka Thuto 19 ho Buka ea Tataiso ea Sekolo sa Boboleli sa Puso ea Leholimo. Totobatsa litsela tseo ka tsona sekolo se tlatsetsang tsoelo-peleng ea rōna tšebeletsong ea tšimo. Khothalletsa ba ngolisitseng sekolong ho etsa hore mokhoa oo lipuo li fanoang ka oona le lipuo ka botsona e be tse ka sebetsang tšimong ea lōna.
Pina 31 le thapelo e koalang.
BEKE E QALANG KA AUGUST 13
10 mets: Litsebiso tsa phutheho le tlaleho ea lichelete. Bala liteboho tse tsoang ho Mokhatlo bakeng sa menehelo e etselitsoeng mosebetsi oa Mokhatlo le Letlole la Mokhatlo la Liholo tsa ’Muso. Babatsa baena ka menehelo e joalo le kamoo ba tšehetsang phutheho ea bona. Tsebisa phutheho ka litokisetso tsa tšimo e sa abuoang. Khothalletsa bohle ho sebetsa tšimong e sa abuoang bonyane mafelo-beke a le mang khoeli ka ’ngoe. Khothalletsa bohle ho ba le karolo mosebetsing oa tšebeletso ea tšimo oa mafelo-beke.
18 mets: “Tsoelang Pele le Beha Litholoana ka Mamello.” Puo e theiloeng ho kenyelletso ea Tšebeletso ea Rona ea ’Muso ea August. Etsa hore boitsebiso bo sebetse sebakeng sa lōna, u khothalletse bohle ho talima maemo a bona a botho ho ea ka pono ea Jehova.
17 mets: “Lebaka Leo U Batlang ho Tsamaisa Thuto ea Bibele ka Lona.” Puisano ka lipotso le likarabo. Ka bokhutšoanyane buisana le mohoeletsi kapa pula-maliboho ea thusitseng e mong ho isa bohōleng ba ho inehela le ho kolobetsoa. Botsa hore na ke kamano ea mofuta ofe e neng e le teng mahareng a hae le (li)seithuti sa hae le hore na ke melemo efe e ileng ea fumanoa ka ho tsamaisa lithuto.
Pina 133 le thapelo e koalang.
BEKE E QALANG KA AUGUST 20
15 mets: Litsebiso tsa phutheho. Litaba tsa Puso ea Molimo. Totobatsa lintlha tsa sehlooho tsa “Halalelang Boitšoarong Bohle ba Lōna.” Hape, ba khothalletse ho kopanela mosebetsing oa tšimo oa mafelo-beke.
15 mets: “Pontšo e Ntle ea Lerato la Boena.” Puo, ’me bamameli ba kopanele. Ka mofuthu babatsa baena ka karabelo ea sebaka sa lōna ’me u bolele bohlokoa ba ho tšehetsa Letlole la Mokhatlo la Liholo tsa ’Muso. Moena ea abetsoeng karolo ena a hlahlobe ho bona haeba lebokose le khethehileng la monehelo le le teng.
15 mets: Litlhoko tsa phutheho kapa puo e theiloeng ho “‘Ema u Tiile’—U se ke ua Khoptjoa” ho Molula-Qhooa oa April 15, 1990, maqephe 26-8.
Pina 191 le thapelo e koalang.
BEKE E QALANG KA AUGUST 27
7 mets: Litsebiso tsa phutheho. Bua ka peho ea tšebeletso ea May bakeng sa naha ena le litšobotsi leha e le life tse molemo tsa peho ea phutheho bakeng sa khoeli eo. Khothalletsa e mong le e mong ho kopanela ka mehla tšebeletsong ea tšimo khoeli le khoeli, ’me u bolele bohlokoa ba ho tlisa lipeho tsa tšebeletso kapele. Tsebisa ka litokisetso tsa tšebeletso ea tšimo.
23 mets: “Ho Nehelana ka Taba tse Molemo—Ka ho Bula Menyetla ea ho Fana ka Bopaki bo sa Reroang.” Se koaheloe ka lipotso le likarabo. Ka mor’a ho buisana ka serapa 3, kōpa bamameli ho fana ka litlhahiso tsa maemo a mang a ka ’nang a buleha bakeng sa ho fana ka bopaki bo sa reroang. Ka mor’a serapa 6, ka bokhutšoanyane buisana le mohoeletsi a le mong kapa ba babeli ba bileng le katleho bopaking bo sa reroang. Botsa: ‘Ba paka ka linako life? Ke hobane’ng ha ba fumana mokhoa ona oa boboleli e le o atlehang? Ba ruile molemo joang ka bobona?’ Khothalletsa bohle ho etsa pakane ea ho abelana le ba bang litaba tse molemo letsatsi le leng le le leng. Qetella ka ho hatisa bohlokoa ba ho bontša kameho e tebileng ka batho.
15 mets: Buella buka ea Phela ka ho sa Feleng ka September. Puo le pontšo. Buisanang ka lintlha tse thahasellisang tsa buka tse ka buelloang ha ho nehelanoa ka buka ea Phela ka ho sa Feleng ka September. Mohlomong boitsebiso bo likhaolong tsa 5 le 11 tlas’a “Na Kannete Bibele e Tsoa ho Molimo” le “Ke Hobane’ng ha Molimo o Lumelletse Bokhopo?” bo tla ipiletsa ho mong’a ntlo. Mohoeletsi ea tšoanelehang a etse pontšo kamoo ho ka nehelanoang ka mpho ea buka, a sebelisa Sehlooho sa Puisano. Boitsebiso bo bukeng ea Ho Bea Mabaka tlas’a sehlooho “Bokhopo” bo ka sebelisoa ha nako e lumela. Tsebisa ka litokisetso tsa phutheho tsa tšebeletso ea tšimo, ’me u memele bohle hore ba kopanele.
Pina 129 le thapelo e koalang.