Kemiso ea Sekolo sa Tšebeletso sa Puso ea Molimo Bakeng sa 1991
LITAELO
Ka 1991 Ho Tla Ba Le Litokisetso Tse Latelang Ha Ho Tsamaisoa Sekolo Sa Tšebeletso Sa Puso Ea Molimo.
LIBUKA: Bibele [biSU], Molula-Qhooa [wSU], “Lengolo Lohle le Bululetsoe ke Molimo ’me le Molemo,” Khatiso ea 1990 [siSU], U ka Phela ka ho sa Feleng Paradeiseng Lefatšeng [peSU], Ho Bea Mabaka ka Mangolo [rsSU], le Lipotso Bacha Baa Botsa—Likarabo tse Sebetsang [ypSU] e tla ba mohloli oa likabelo.
Sekolo se tla qala ka pina, thapelo, le mantsoe a kamohelo, ’me se tsoele pele ka mokhoa o latelang:
KABELO NO. 1: Metsotso e 15. E lokela ho neheloa ke moholo kapa mohlanka ea sebeletsang ea tšoanelehang. E tla theoa ho Molula-Qhooa kapa ho “Lengolo Lohle le Bululetsoe ke Molimo ’me le Molemo,” Khatiso ea 1990. Kabelo ena e lokela ho fanoa e le puo ea taeo ea metsotso e 10 ho isa ho e 12 ’me e lateloe ke tlhahlobo ea molomo ea metsotso e 3 ho isa ho e 5, ho sebelisoa lipotso tse hatisitsoeng karolong eo. Haeba boitsebiso bo abetsoeng bo se na lipotso, sebui se lokela ho lokisetsa lipotso tse loketseng. Sepheo e se be feela ho akaretsa boitsebiso empa ho lebisa tlhokomelo molemong o sebetsang oa boitsebiso boo ho buisanoang ka bona, ho totobatsa lintlha tseo e tla ba thuso haholo phuthehong. Sehlooho se lokela ho khethoa ha ho hlokahala. Bohle ba khothalletsoa ho lokisetsa ka hloko esale pele hore ba rue molemo ka botlalo boitsebisong bona.
Baena ba abetsoeng puo ena ba lokela ho ba hlokolosi hore ba boloke nako eo ba e abetsoeng. Keletso e ka thōko e lokela ho fanoa haeba ho hlokahala.
LINTLHA TSE KHŌLŌ TSA ’MALO OA BIBELE: Metsotso e 6. Lintlha tsena li buelloe ke molebeli oa sekolo kapa moholo e mong ea tšoanelehang kapa mohlanka ea sebeletsang ea abetsoeng ke molebeli oa sekolo. E se be feela kakaretso ea ’malo o abetsoeng. Ka mor’a kenyelletso e khutšoaane ea likhaolo tse abetsoeng ho baloa, thusa bamameli ho utloisisa hore na ke hobane’ng ha boitsebiso boo bo le molemo ho rōna le hore bo bohlokoa ka tsela efe ho rōna. Hlahloba litokollo tsa Molula-Qhooa ho fumana lintlha tse eketsehileng boitsebisong bona. Ka mor’a moo molebeli oa sekolo o tla laela liithuti ho ea liklaseng tsa tsona tse fapaneng.
PUO NO. 2: Metsotso e 5. Ona ke ’malo oa Bibele oa boitsebiso bo abetsoeng ’me o fanoe ke moena. Kemiso e tšoanang e tla sebetsa sekolong se leng holong e khōlō le lihlopheng tse nyenyane. Hangata likarolo tse baloang li khutšoanyane ho lumella seithuti ho etsa kenyelletso e khutšoanyane le mantsoe a phethang, haesita le ho kenyelletsa lintlha tse ling bohareng ba puo. Ho ka akarelletsoa taba ea histori, bohlokoa ba boprofeta kapa lithuto tsa Bibele, le kamoo melao-motheo e meng e sebetsang ka teng. Litemana tsohle tse abetsoeng li lokela ho baloa.
PUO NO. 3: Metsotso e 5. Puo ena e tla abeloa bo-khaitseli. E tla theoa bukeng U ka Phela ka ho sa Feleng Paradeiseng Lefatšeng. Seithuti se abetsoeng se lokela ho tseba ho bala. Ha seithuti se nehela puo, se ka ’na sa ema kapa sa lula. Molebeli oa sekolo o tla se abela mothusi a le mong, empa ho ka sebelisoa bathusi ba eketsehileng. Ho molemo hore mekhoa eo puo e neheloang ka eona (settings) e be ea tšebeletso ea tšimo kapa ea bopaki bo sa reroang. Ea fanang ka puo a ka qala puisano kapa (ba)mothusi a ka etsa joalo. Ntho ea bohlokoa e se be mokhoa oo puo e neheloang ka oona empa e be boitsebiso bo fanoang. Seithuti se lokela ho sebelisa sehlooho se fanoeng.
PUO NO. 4: Metsotso e 5. E abeloa moena kapa khaitseli. Lihlooho tsa puo ena li tla fapanyetsana pakeng tsa libuka Ho Bea Mabaka le Bacha Baa Botsa, buka ena ea bobeli e abeloe haholo-holo mocha kapa liithuti tse ncha. Seithuti se abetsoeng se lokela ho tseba ho bala. Haeba e abetsoe moena, o lokela ho e nehela phuthehong eohle. Ho ka ba molemo ha moena a lokisetsa puo ea hae a hopotse ka bamameli Holong ea ’Muso, hore puo e be e nang le boitsebiso bo rutang le bo molemo ho ba e mametseng. Leha ho le joalo, haeba boitsebiso bo nyalana le kemiso e ’ngoe e sebetsang le e tšoanelehang ho bamameli, moena a ka khetha ho hōlisa puo ea hae ho lumellana le eona. Seithuti se lokela ho sebelisa sehlooho se fanoeng.
Ha puo ena e abetsoe khaitseli, boitsebiso bo tla fanoa ho tšoana le Puo No. 3.
KELETSO LE LITLHALOSO: Ka mor’a hore seithuti ka seng se fane ka puo, molebeli oa sekolo o tla fana ka keletso e tobileng, ho sa hlokahale hore a latele lintlha tsa keletso tse thathamisitsoeng ka ho latellana leqetšoaneng la Keletso ea Puo. Ho fapana le hoo, o lokela ho hlokomela likarolo tseo seithuti se lokelang ho ntlafatsa ho tsona. Haeba seithuti se tšoaneleha ho tšoauoa feela “H” ’me ho se karolo ea puo e tšoailoeng “N” kapa “S,” moeletsi o lokela ho etsa letšoao la lesakana ho lebana le karolo ea puo eo seithuti se lokelang ho sebeletsa ho eona puong e latelang, ’me letšoao le tla ngoloa lebokoseng leo ka tloaelo ho ngoloang “H,” “N,” kapa “S.” O tla tsebisa seithuti ka sena hona mantsiboeeng ao le ho ngola tšoaneleho ena ea puo leqetšoaneng la seithuti la Kabelo ea Sekolo sa Tšebeletso sa Puso ea Leholimo (S-89). Ba fanang ka lipuo ba lokela ho lula litulong tse ka pele holong. Sena se tla boloka nako le ho thusa molebeli oa sekolo ho fana ka keletso e tobileng ho seithuti ka seng. Haeba nako e le teng ka mor’a ho fana ka keletso ea molomo e hlokahalang, moeletsi a ka hlalosa lintlha tsa bohlokoa le tse sebetsang tseo liithuti li sa kang tsa li akaretsa. Molebeli oa sekolo a hlokomele hore a se nke metsotso e fetang e ’meli a fana ka keletso le litlhaloso ka mor’a puo ea seithuti ka seng. Haeba puo ea lintlha tse khōlō tsa Bibele e siile boitsebiso bo bong ba bohlokoa, ho ka fanoa ka keletso ka thōko.
HO LOKISETSA LIPUO: Baena ba fanang ka Kabelo No. 1 ba lokela ho ikhethela sehlooho ha ho hlokahala. Liithuti tse abetsoeng puo ea bobeli li lokela ho khetha sehlooho se tla li lumella ho akaretsa boitsebiso ka mokhoa o molemo haholo. Liithuti tse abetsoeng puo ea boraro le ea bone li lokela ho sebelisa sehlooho se fanoeng. Pele liithuti li fana ka puo, li lokela ho bala boitsebiso ba buka ea Tataiso ea Sekolo bo buang ka tšoaneleho ea puo eo li sebeletsang ho eona.
NAKO: Ha ho puo e lokelang ho ja nako. Keletso le litlhaloso tsa moeletsi le tsona li se je nako. Lipuo No. 2 ho ea ho 4 li lokela ho emisoa ka bohlale ha li feta nako. Ea abetsoeng ho “etsa pontšo ea ho emisa seithuti” o lokela ho etsa joalo kapele-pele. Ha baena ba fanang ka Kabelo No. 1 ba ja nako, ba lokela ho eletsoa ka thōko. Bohle ba lokela ho falimehela nako ea bona ka hloko. Nako ea lenaneo lohle: ke metsotso e 45, ho sa akarelletsoe pina le thapelo.
TLHAHLOBO E NGOLOANG: Nako le nako ho tla ba le tlhahlobo e ngoloang. Bakeng sa ho e lokisetsa, ikhopotse boitsebiso bo neng ho abetsoe le ho qetella ’malo oa Bibele o abetsoeng. Hlahloba lipotso tse fanoeng litokollong tsa April, August, le December tsa Tšebeletso ea Rona ea ’Muso, empa u se ke ua ngola letho leqepheng la lipotso pele u ngola tlhahlobo. Ho tla sebelisoa Bibele feela tlhahlobong ena ea metsotso e 25. Nako e setseng e tla sebelisetsoa puisano ea lipotso le likarabo. Seithuti ka seng se tla tšoaea likarabo tsa sona. Molebeli oa sekolo o tla bala likarabo le ho lebisa tlhokomelo lipotsong tse batlang li le thata, ho thusa bohle ho utloisisa likarabo ka ho hlaka. Haeba, ka mabaka a itseng, maemo a sebaka sa lōna a le qobella, tlhahlobo e ngoloang e ka ngoloa bekeng e latelang ho fapana le kamoo ho bontšitsoeng ka teng kemisong.
LIPHUTHEHO TSE KHŌLŌ LE TSE NYENYANE: Liphutheho tse nang le liithuti tse ngolisitseng sekolong tse 50 kapa ho feta li ka rata ho lokisetsa lihlopha tse eketsehileng hore liithuti li fane ka lipuo tsa tsona pel’a baeletsi ba bang. Ha e le hantle, batho ba sa kolobetsoang bao bophelo ba bona bo lumellanang le melao-motheo ea Bokreste le bona ba ka ngolisa sekolong le ho nehoa likabelo.
BA SA BENG TENG: Bohle ba ka phuthehong ba ka bontša kananelo sekolong sena ka hore ba etse boiteko ba ho ba teng lenaneong le leng le le leng la beke le beke, ho lokisetsa likabelo tsa bona hantle, le ho fana ka litlhaloso lipuong tse nang le lipotso. Ho tšeptjoa hore liithuti tsohle li tla nka likabelo tsa tsona ka botebo. Ha seithuti se le sieo nakong eo se abetsoeng, e mong a ka ithaopela kabelo eo, a sebelisa lintlha leha e le life tseo a ikutloang hore li loketse ho akaretsoa nakong eo e khutšoaane eo a tsebisitsoeng ka eona. Kapa molebeli oa sekolo a ka akaretsa boitsebiso ka hore bamameli ba kopanele.
KEMISO
Jan. 7’Malo oa Bibele: Ba-Kolosse 1 ho ea ho 4
Pina No. 173
No. 1: “Ho Thusa ba Bang ho Rapela Molimo” (wSU88 11/15 lir. 1-10)
No. 2: Ba-Kolosse 3:12-25
No. 3: Na U Lokela ho Keteka Easter Kapa Matsatsi a Phomolo a Tlotlang Batho? (peSU khao. 25 lir. 16, 17)
No. 4: Jesu o ne a Reretse Sejo sa Morena sa Mantsiboea ho ba Eng? (rsSU leq. 310 lir. 2-5)
Jan. 14’Malo oa Bibele: 1 Ba-Thessalonika 1 ho ea ho 5
Pina No. 212
No. 1: “Ho Thusa ba Bang ho Rapela Molimo” (wSU88 11/15 lir. 11-25)
No. 2: 1 Ba-Thessalonika 4:1-12
No. 3: Ke Hobane’ng ha Bakreste ba sa Nehe Lintho tse Entsoeng ke Batho Tlhompho ea Borapeli? (peSU khao. 25 lir. 18, 19)
No. 4: Se Boleloang ke ho ‘Hlompha Batsoali ba Hao’ (ypSU khao. 1)
Jan. 21’Malo oa Bibele: 2 Ba-Thessalonika 1 ho ea ho 3
Pina No. 132
No. 1: “Jehova o Putsa Tumelo le Sebete” (wSU88 12/1 lir. 1-10)
No. 2: 2 Ba-Thessalonika 3:1-12
No. 3: Boitšoaro bo Bontšang Hore Motho o Emela Lefatše la Satane ke Bofe? (peSU khao. 25 lir. 20, 21)
No. 4: Sejo sa Morena sa Mantsiboea se Lokela ho Ketekoa Hangata Hakae? (rsSU leq. 311 lir. 2-4)
Jan. 28’Malo oa Bibele: 1 Timothea 1 ho ea ho 3
Pina No. 188
No. 1: “Jehova o Putsa Tumelo le Sebete” (wSU88 12/1 lir. 11-21)
No. 2: 1 Timothea 3:1-13
No. 3: Ke Hobane’ng ha U sa Lokela ho Tšela Mali? (peSU khao. 25 lir. 22, 23)
No. 4: Kamoo Bacha le Batsoali ba ka Utloisisanang ka Teng (ypSU khao. 2 maq. 18-19, 22-5)
Feb. 4’Malo oa Bibele: 1 Timothea 4 ho ea ho 6
Pina No. 39
No. 1: “Ke Eng e u Thibelang ho Kolobetsoa?” (wSU89 1/15 lir. 1-10)
No. 2: 1 Timothea 6:1-12
No. 3: Ke Hobane’ng ha re E-na le Ntoa ea ho Etsa Botle? (peSU khao. 26 lir. 1-3)
No. 4: Jesu o Ile a Thea Sehopotso ka Merero Efe e ’Meli ea Sehlooho? (rsSU leq. 401 lir. 1, 2)
Feb. 11’Malo oa Bibele: 2 Timothea 1 ho ea ho 4
Pina No. 162
No. 1: “Ke Eng e u Thibelang ho Kolobetsoa?” (wSU89 1/15 lir. 11-25)
No. 2: 2 Timothea 2:14-26
No. 3: Ho Hlokahala Eng ho Etsa Botle? (peSU khao. 26 lir. 4, 5)
No. 4: Lebaka Leo ka Lona Bacha ba Lokelang ho Tšepa Batsoali ba Bona (ypSU khao. 2 maq. 20-1)
Feb. 18’Malo oa Bibele: Tite 1 ho ea ho 3 le Filemone
Pina No. 119
No. 1: “Kamoo Kolobetso e ka re Pholosang” (wSU89 1/15 lir. 1-10)
No. 2: Tite 2:1-15
No. 3: Ke Hobane’ng ha Kamano e Haufi le Molimo e le Bohlokoa Hakaale? (peSU khao. 26 lir. 6-8)
No. 4: Litšoantšetso tsa Sehopotso ke tsa Bohlokoa Bofe? (rsSU leq. 402 lir. 2, 3)
Feb. 25’Malo oa Bibele: Ba-Heberu 1 ho ea ho 3
Pina No. 105
No. 1: “Kamoo Kolobetso e ka re Pholosang” (wSU89 1/15 lir. 11-21)
No. 2: Ba-Heberu 2:1-13
No. 3: Ithute ka Liphoso tsa ba Bang! (peSU khao. 26 lir. 9-12)
No. 4: Lebaka Leo ka Lona Batsoali ba Lekanyetsang Tokoloho ea Bana ba Bona (ypSU khao. 3 maq. 26-33)
Mar. 4’Malo oa Bibele: Ba-Heberu 4 ho ea ho 7
Pina No. 123
No. 1: “Ho Bontša Lerato le Tlhompho Joaloka Monna” (wSU89 5/15 lir. 1-12)
No. 2: Ba-Heberu 5:1-14
No. 3: Ke Liphetoho Life tse ka Etsoang ka Thuso ea Molimo? (peSU khao. 26 lir. 13, 14)
No. 4: Ke Mang Feela eo ka Nepo a ka Jang Sejo sa Morena sa Mantsiboea? (rsSU leq. 402 ser. 4 ho ea ho leq. 403 ser. 1)
Mar. 11’Malo oa Bibele: Ba-Heberu 8 ho ea ho 10
Pina No. 144
No. 1: “Ho Bontša Lerato le Tlhompho Joaloka Monna” (wSU89 5/15 lir. 13-23)
No. 2: Ba-Heberu 10:19-31
No. 3: Kamoo Ntoa ea ho Etsa Liphetoho e ka Hlōloang ka Teng (peSU khao. 26 lir. 15, 16)
No. 4: Ho Phelisana le Bana ba Habo Motho (ypSU khao. 6)
Mar. 18’Malo oa Bibele: Ba-Heberu 11 ho ea ho 13
Pina No. 206
No. 1: “Ho Bontša Lerato le Tlhompho Joaloka Mosali” (wSU89 5/15 lir. 1-9)
No. 2: Ba-Heberu 13:7-19
No. 3: Tšepo e ka re Thusa Joang ho Hlōla Ntoa? (peSU khao. 26 lir. 17-19)
No. 4: Sehopotso se Lokela ho Ketekoa Neng? (rsSU leq. 404 lir. 1, 2)
Mar. 25’Malo oa Bibele: Jakobo 1 ho ea ho 5
Pina No. 88
No. 1: “Ho Bontša Lerato le Tlhompho Joaloka Mosali” (wSU89 5/15 lir. 10-21)
No. 2: Jakobo 4:1-12
No. 3: Ke Hobane’ng ha Thapelo e le ea Bohlokoa? (peSU khao. 27 lir. 1, 2)
No. 4: Lebaka Leo ka Lona ho Tloha Hae Eseng Karabo (ypSU khao. 7)
Apr. 1’Malo oa Bibele: 1 Petrose 1 ho ea ho 5
Pina No. 18
No. 1: “Hloeka Kelellong le ’Meleng” (wSU89 6/1 lir. 1-10)
No. 2: 1 Petrose 3:1-12
No. 3: Re ka Boloka Kamano e Ntle Joang le Molimo? (peSU khao. 27 lir. 3-5)
No. 4: Bakreste ba Lokela ho ba le Boikutlo Bofe Mabapi le Mebuso ea Lefatše? (rsSU leq. 167 lir. 1-3)
Apr. 8’Malo oa Bibele: 2 Petrose 1 ho ea ho 3
Pina No. 177
No. 1: “Hloeka Kelellong le ’Meleng” (wSU89 6/1 lir. 11-20)
No. 2: 2 Petrose 1:1-11
No. 3: Re Hloka Eng Hore Lithapelo tsa Rōna li Utluoe? (peSU khao. 27 lir. 6, 7)
No. 4: Ho Etsa Metsoalle ea Sebele (ypSU khao. 8 maq. 65-7, 70-2)
Apr. 15’Malo oa Bibele: 1 Johanne 1 ho ea ho 5
Pina No. 50
No. 1: “Ho Hloeka Boitšoarong ke Mokhabo oa Bacha” (wSU89 11/1 lir. 1-8)
No. 2: 1 Johanne 4:7-19
No. 3: Ho Finyella Litlhokahalo tsa Molimo tsa Thapelo (peSU khao. 27 lir. 8, 9)
No. 4: Bakreste ba Talima Ntoa ea Lihlomo Joang? (rsSU leq. 167 ser. 4 ho ea ho leq. 168 lir. 1-3)
Apr. 22’Malo oa Bibele: 2 Johanne, 3 Johanne, Juda
Pina No. 22
No. 1: “Ho Hloeka Boitšoarong ke Mokhabo oa Bacha” (wSU89 11/1 lir. 9-19)
No. 2: Juda 3-15
No. 3: Tlhokahalo ea Motheo Hore Lithapelo tsa Rōna li Utluoe (peSU khao. 27 lir. 10, 11)
No. 4: Ho Thusa Motsoalle ea Khathatsong e Tebileng (ypSU khao. 8 maq. 68-9)
Apr. 29Tlhahlobo e Ngoloang. Qetella Ba-Kolosse 1 ho ea ho Juda
Pina No. 59
May 6’Malo oa Bibele: Tšenolo 1 ho ea ho 3
Pina No. 161
No. 1: Ho Lekanya Liketsahalo Kemisong e sa Khaotseng ea Nako—Karolo 2 (siSU maq. 285-7 lir. 8-15)
No. 2: Tšenolo 2:1-11
No. 3: Lintho tse ka Rapelloang ke Life? (peSU khao. 27 lir. 12, 13)
No. 4: Lintoa tsa Iseraele ha li Ntšetsoe Pele ke Bakreste (rsSU leq. 168 ser. 4 ho ea ho leq. 169 ser. 1)
May 13’Malo oa Bibele: Tšenolo 4 ho ea ho 6
Pina No. 97
No. 1: Ho Lekanya Liketsahalo Kemisong e sa Khaotseng ea Nako—Karolo 3 (siSU maq. 291-2 lir. 16-23)
No. 2: Tšenolo 6:1-11
No. 3: Hobane’ng ha U Lokela ho Rapella ba Bang? (peSU khao. 27 lir. 14-16)
No. 4: Lebaka Leo ka Lona Bacha ba Latelang Khatello ea Lithaka (ypSU khao. 9 maq. 73-6)
May 20’Malo oa Bibele: Tšenolo 7 ho ea ho 9
Pina No. 127
No. 1: Ho Lekanya Liketsahalo Kemisong e sa Khaotseng ea Nako—Karolo 4 (siSU maq. 292-3 lir. 24-30)
No. 2: Tšenolo 7:1-4, 9-17
No. 3: Ke Eng e Khethollang Barutuoa ba ’Nete ba Kreste? (peSU khao. 28 lir. 1-3)
No. 4: Ho Itšunya-tšunya Lipolotiking ha Hoa Lokela Bakreste (rsSU leq. 170 lir. 1-3)
May 27’Malo oa Bibele: Tšenolo 10 ho ea ho 12
Pina No. 26
No. 1: Bibele le Mangolo a Eona a Halalelang—Karolo 1 (siSU leq. 299 lir. 1-6)
No. 2: Tšenolo 12:5-17
No. 3: Ke Bo-mang Bao re Lokelang ho ba Bontša Lerato? (peSU khao. 28 lir. 4, 5)
No. 4: Ho Hlōla Khatello ea Lithaka (ypSU khao. 9 maq. 77-80)
June 3’Malo oa Bibele: Tšenolo 13 ho ea ho 15
Pina No. 6
No. 1: Bibele le Mangolo a Eona a Halalelang—Karolo 2 (siSU maq. 300-302 lir. 7-16)
No. 2: Tšenolo 14:1-13
No. 3: Ke Hobane’ng ha Mathata a ka Hlaha Har’a Bakreste? (peSU khao. 28 lir. 6, 7)
No. 4: Pono ea Bibele ka Lipina tsa Sechaba le Litšebeletso tsa Folaga (rsSU leq. 171 lir. 1-3)
June 10’Malo oa Bibele: Tšenolo 16 ho ea ho 18
Pina No. 145
No. 1: Bibele le Mangolo a Eona a Halalelang—Karolo 3 (siSU maq. 302-5 lir. 17-26)
No. 2: Tšenolo 18:1-10, 20, 21
No. 3: Ke Mathata Afe ao Esita le Baapostola ba Neng ba ba le ’Ona ka Linako tse Ling? (peSU khao. 28 lir. 8, 9)
No. 4: Chebahalo e Bohlokoa Hakae? (ypSU khao. 10)
June 17’Malo oa Bibele: Tšenolo 19 ho ea ho 22
Pina No. 184
No. 1: Taba e Ngotsoeng ka Seheberu ea Mangolo a Halalelang—Karolo 1 (siSU maq. 305-7 lir. 1-9)
No. 2: Tšenolo 21:1-14
No. 3: Baapostola ba Ile ba Rarolla Mathata a Bona Joang? (peSU khao. 28 lir. 10, 11)
No. 4: Lerato la Boahisani la Bokreste le Lumellana le ho se Nke Lehlakore (rsSU leq. 172 ser. 3)
June 24’Malo oa Bibele: Genese 1 ho ea ho 3
Pina No. 56
No. 1: Taba e Ngotsoeng ka Seheberu ea Mangolo a Halalelang—Karolo 2 (siSU maq. 307, 310 lir. 10-16)
No. 2: Genese 3:6-19
No. 3: Latela Mohlala oa Molimo ka ho ba ea Tšoarelang (peSU khao. 28 lir. 12, 13)
No. 4: Ke Eng se Tataisang Mokreste ho Khetha Liaparo? (ypSU khao. 11 leq. 90 ho ea ho leq. 94 ser. 2)
July 1’Malo oa Bibele: Genese 4 ho ea ho 6
Pina No. 62
No. 1: Taba e Ngotsoeng ka Seheberu ea Mangolo a Halalelang—Karolo 3 (siSU maq. 310-12 lir. 17-25)
No. 2: Genese 6:1-12
No. 3: Ke Hobane’ng ha re Lokela ho ba Mohau? (peSU khao. 28 lir. 14, 15)
No. 4: Lebitso la Jehova le Loketse ka Mangolong a Segerike a Bokreste (rsSU leq. 346 lir. 1-3)
July 8’Malo oa Bibele: Genese 7 ho ea ho 9
Pina No. 200
No. 1: Taba e Ngotsoeng ka Seheberu ea Mangolo a Halalelang—Karolo 4 (siSU maq. 312-14 lir. 26-31)
No. 2: Genese 9:1-11
No. 3: Re Lokela ho Rarolla Mathata Joang? (peSU khao. 28 lir. 16, 17)
No. 4: Melemo ea Moaparo oa ‘Boitlhompho le o Hlophisitsoeng Hantle’ (ypSU khao. 11 leq. 94 ser. 3 ho ea ho leq. 96)
July 15’Malo oa Bibele: Genese 10 ho ea ho 12
Pina No. 66
No. 1: Taba e Ngotsoeng ka Segerike ea Bokreste ea Mangolo a Halalelang—Karolo 1 (siSU maq. 315-16 lir. 1-7)
No. 2: Genese 11:31–12:13
No. 3: Ke Mohlala Ofe oa Molimo oo re Lokelang ho o Latela? (peSU khao. 28 lir. 18, 19)
No. 4: Kamoo ho ka Arabeloang ba Tšoaeang New World Translation Liphoso (rsSU leq. 347 lir. 2-5)
July 22 ’Malo oa Biblele: Genese 13 ho ea ho 15
Pina No. 106
No. 1: Taba e Ngotsoeng ka Segerike ea Bokreste ea Mangolo a Halalelang—Karolo 2 (siSU maq. 316-17 lir. 8-16)
No. 2: Genese 13:5-18
No. 3: Lebaka Leo ka Lona Molimo o ke Keng oa Jarisoa Molato ha Malapa a Hlōleha (peSU khao. 29 lir. 1-3)
No. 4: Kamoo Motho a ka Hahang Boikutlo ba ho se Ikhalale (ypSU khao. 12 leq. 98 ho ea ho leq. 101 ser. 2)
July 29’Malo oa Bibele: Genese 16 ho ea ho 19
Pina No. 117
No. 1: Taba e Ngotsoeng ka Segerike ea Bokreste ea Mangolo a Halalelang—Karolo 3 (siSU maq. 317-19 lir. 17-25)
No. 2: Genese 17:1-14
No. 3: Ho Tlameha ho Hlokomeloe Eng Hore Lenyalo le Tle le Atlehe? (peSU khao. 29 lir. 4, 5)
No. 4: Ke Eng e Bontšang Hore Molimo o na le Mokhatlo o Hlophisitsoeng? (rsSU leq. 325 lir. 2, 3)
Aug. 5’Malo oa Bibele: Genese 20 ho ea ho 23
Pina No. 64
No. 1: Taba e Ngotsoeng ka Segerike ea Bokreste ea Mangolo a Halalelang—Karolo 4 (siSU maq. 319-20 lir. 26-32)
No. 2: Genese 22:9-19
No. 3: Ke Mang ea Entsoeng Hlooho ea Lelapa, Hona Hobane’ng? (peSU khao. 29 lir. 6, 7)
No. 4: Falimehela ho Itšepa ho Fosahetseng (ypSU khao. 12 leq. 101 ser. 3 ho ea ho leq. 103)
Aug. 12’Malo oa Bibele: Genese 24 le 25
Pina No. 205
No. 1: Bibele Mehleng ea Kajeno—Karolo 1 (siSU maq. 320-1 lir. 1-8)
No. 2: Genese 25:19-34
No. 3: Kreste o Ile a Behela Banna Mohlala ka Litsela Life? (peSU khao. 29 lir. 8, 9)
No. 4: Molimo o ne o Buisana le Bahlanka ba Oona Joang Mehleng e Fetileng? (rsSU leq. 326 lir. 1, 2)
Aug. 19’Malo oa Bibele: Genese 26 ho ea ho 28
Pina No. 213
No. 1: Bibele Mehleng ea Kajeno—Karolo 2 (siSU maq. 321, 323-4 lir. 9-16)
No. 2: Genese 28:10-22
No. 3: Karolo ea Mosali ea Mangolo ke Efe? (peSU khao. 29 lir. 10, 11)
No. 4: Ke Eng se Bakang ho Tepella Maikutlong? (ypSU khao. 13 leq. 104 ho ea ho leq. 106 ser. 2)
Aug. 26Tlhahlobo e Ngoloang. Tšenolo 1 ho ea ho Genese 28
Pina No. 114
Sept. 2’Malo oa Bibele: Genese 29 ho ea ho 31
Pina No. 82
No. 1: Bibele Mehleng ea Kajeno—Karolo 3 (siSU maq. 324-5 lir. 17-26)
No. 2: Genese 29:9-29
No. 3: Mosali a ka Tsoela Lelapa la Hae Molemo Joang? (peSU khao. 29 lir. 12, 13)
No. 4: Bibele e Bontša Hore Batho ba Molimo e ne e Tla ba ba Hlophisitsoeng (rsSU leq. 327 lir. 1-4)
Sept. 9’Malo oa Bibele: Genese 32 ho ea ho 35
Pina No. 183
No. 1: Bibele Mehleng ea Kajeno—Karolo 4 (siSU maq. 325-7 lir. 27-35)
No. 2: Genese 34:1-7, 25-31
No. 3: Bana ba Lokela ho ba le Sebaka Sefe ka Lapeng? (peSU khao. 29 lir. 14, 15)
No. 4: Ho Hlokomela ho Tepella Maikutlong le ho Sebetsana le Hona (ypSU khao. 13 leq. 106 ser. 3 ho ea ho leq. 111 ser. 4)
Sept. 16’Malo oa Bibele: Genese 36 ho ea ho 38
Pina No. 115
No. 1: Melemo ea New World Translation—Karolo 1 (siSU maq. 327-8 lir. 1-6)
No. 2: Genese 37:5-11, 25-28
No. 3: Banna le Basali ba Lokela ho Utloa Litaelo Life? (peSU khao. 29 lir. 16, 17)
No. 4: Ke Eng e Bontšang Hore Batho ba Molimo ba Kopane? (rsSU leq. 327 ser. 5 ho ea ho leq. 328 lir. 1, 2)
Sept. 23’Malo oa Bibele: Genese 39 ho ea ho 41
Pina No. 38
No. 1: Melemo ea New World Translation—Karolo 2 (siSU maq. 328-9 lir. 7-10)
No. 2: Genese 39:7-10, 17-23
No. 3: Ke Hobane’ng ha Banyalani ba Lokela ho Tšepahala e Mong ho e Mong? (peSU khao. 29 lir. 18, 19)
No. 4: Kamoo U ka Loantšang ho Tepella Maikutlong (ypSU khao. 13 leq. 111 ser. 5 ho ea ho leq. 114)
Sept. 30’Malo oa Bibele: Genese 42 ho ea ho 44
Pina No. 164
No. 1: Melemo ea New World Translation—Karolo 3 (siSU maq. 329-30 lir. 11-18)
No. 2: Genese 44:18-34
No. 3: Batsoali ba na le Tlamo Efe e Habeli? (peSU khao. 29 lir. 20, 21)
No. 4: Mokhatlo o Hlophisitsoeng oa Molimo o ka Khetholloa ka Litsela Life tse Tharo? (rsSU leq. 328 lir. 3-5)
Oct. 7’Malo oa Bibele: Genese 45 ho ea ho 47
Pina No. 221
No. 1: Melemo ea New World Translation—Karolo 4 (siSU leq. 331 lir. 19-23)
No. 2: Genese 45:1-13
No. 3: Bana ba Tlameha ho Utloa Taelo Efe? (peSU khao. 29 ser. 22)
No. 4: Ho ba Mong Empa U se Bolutu (ypSU khao. 14 maq. 115-17)
Oct. 14’Malo oa Bibele: Genese 48 ho ea ho 50
Pina No. 180
No. 1: Thuto ea ho Epolloa ha Lintho tsa Khale le Tlaleho e Bululetsoeng—Karolo 1 (siSU leq. 332 lir. 1-5)
No. 2: Genese 49:1-12
No. 3: Ke Hobane’ng ha Lelapa le Lokela ho Ithuta Bibele Hammoho? (peSU khao. 29 ser. 23)
No. 4: Litsela tse ’nè tse Eketsehileng tseo Mokhatlo o Hlophisitsoeng oa Molimo o ka Khetholloang ka Tsona (rsSU leq. 328 ser. 6 ho ea ho leq. 329 ser. 1)
Oct. 21’Malo oa Bibele: Exoda 1 ho ea ho 4
Pina No. 68
No. 1: Thuto ea ho Epolloa ha Lintho tsa Khale le Tlaleho e Bululetsoeng—Karolo 2 (siSU maq. 333-5 lir. 6-11)
No. 2: Exoda 3:6-10, 13-17
No. 3: Banyalani ba Lokela ho Talima Mefokolo ea e Mong ho e Mong Joang? (peSU khao. 29 lir. 24, 25)
No. 4: Phekolo ea Bolutu (ypSU khao. 14 maq. 118-20)
Oct. 28’Malo oa Bibele: Exoda 5 ho ea ho 8
Pina No. 86
No. 1: Thuto ea ho Epolloa ha Lintho tsa Khale le Tlaleho e Bululetsoeng—Karolo 3 (siSU maq. 335-6 lir. 12-15)
No. 2: Exoda 6:1-13
No. 3: Ke ho Ela Keletso Efe ea Bibele Hloko ho Tla Thusa Banyalani ho Rarolla Mathata a Bona? (peSU khao. 29 lir. 26, 27)
No. 4: Ke Mangolo Afe a Bontšang ka Lefatše la Paradeise? (rsSU leq. 348 lir. 1, 2 ho ea ho leq. 349 ser. 1)
Nov. 4’Malo oa Bibele: Exoda 9 ho ea ho 12
Pina No. 159
No. 1: Thuto ea ho Epolloa ha Lintho tsa Khale le Tlaleho e Bululetsoeng—Karolo 4 (siSU maq. 336-7 lir. 16-22)
No. 2: Exoda 12:1-13
No. 3: Boemo ba Bibele ke Bofe ka Tlhalo? (peSU khao. 29 lir. 28, 29)
No. 4: Ho Utloisisa Lihlong (ypSU khao. 15 maq. 121-2)
Nov. 11’Malo oa Bibele: Exoda 13 ho ea ho 16
Pina No. 171
No. 1: Bibele—Ke ’Nete ’me e Nepahetse—Karolo 1 (siSU maq. 337-8 lir. 1-8)
No. 2: Exoda 14:19-31
No. 3: Batsoali ba ka Behelana Mabaka Joang le Bana ba Bona? (peSU khao. 29 lir. 30-33)
No. 4: Paradeise (Luka 23:43) Hase Karolo ea Hades (rsSU leq. 349 ser. 2 ho ea ho leq. 350 lir. 1, 2)
Nov. 18’Malo oa Bibele: Exoda 17 ho ea ho 20
Pina No. 139
No. 1: Bibele—Ke ’Nete ’me e Nepahetse—Karolo 2 (siSU leq. 339 lir. 9-13)
No. 2: Exoda 20:1-17
No. 3: Ke Mehato Efe ea Motheo e Tlamehang ho Nkuoa ho Kena Tseleng e Isang Bophelong? (peSU khao. 30 lir. 1-3)
No. 4: Kamoo U ka Hlōlang Lihlong (ypSU khao. 15 maq. 123-6)
Nov. 25’Malo oa Bibele: Exoda 21 ho ea ho 24
Pina No. 95
No. 1: Bibele—Ke ’Nete ’me e Nepahetse—Karolo 3 (siSU leq. 340 lir. 14, 15)
No. 2: Exoda 24:1-11
No. 3: Ho Ananela Molemo oa Molimo ho Tla re Etsa Hore re Etse Eng? (peSU khao. 30 lir. 4, 5)
No. 4: Ke Hobane’ng ha ho ke ke ha Etsahala Hore Sesenyi sa Luka 23:43 se Ile Leholimong? (rsSU leq. 350 lir. 3, 4)
Dec. 2’Malo oa Bibele: Exoda 25 ho ea ho 28
Pina No. 13
No. 1: Bibele—Ke ’Nete ’me e Nepahetse—Karolo 4 (siSU maq. 340-1 lir. 16-20)
No. 2: Exoda 25:1-16
No. 3: Boinehelo bo Hloka Hore Motho a Nke Mehato Efe Hona a Etsisa Mang? (peSU khao. 30 lir. 6-8)
No. 4: Ho Hlōla Bohloko (ypSU khao. 16)
Dec. 9’Malo oa Bibele: Exoda 29 ho ea ho 32
Pina No. 143
No. 1: Bibele—Ke ’Nete ’me e Nepahetse—Karolo 5 (siSU maq. 341-2 lir. 21-25)
No. 2: Exoda 32:19, 20, 25-35
No. 3: Boinehelo bo Tlama Motho ho Kopanela Mosebetsing Ofe? (peSU khao. 30 lir. 9, 10)
No. 4: Re Tseba Joang Hore Jesu o ne a Bua ka Paradeise ea Lefatšeng ho Luka 23:43? (rsSU leq. 351 lir. 1, 2)
Dec. 16’Malo oa Bibele: Exoda 33 ho ea ho 36
Pina No. 144
No. 1: Mangolo a Bululetsoeng a Tlisa Melemo e sa Feleng—Karolo 1 (siSU maq. 349-50 lir. 1-7)
No. 2: Exoda 34:1-10, 12-14
No. 3: Ho Bolela Litaba tse Molemo ho Hloka Eng? (peSU khao. 30 lir. 11, 12)
No. 4: Pono ea Bokreste ka Sekolo (ypSU khao. 17)
Dec. 23’Malo oa Bibele: Exoda 37 ho ea ho 40
Pina No. 202
No. 1: Mangolo a Bululetsoeng a Tlisa Melemo e sa Feleng—Karolo 2 (siSU maq. 350-2 lir. 8-16)
No. 2: Exoda 39:32-43
No. 3: Motho o Bontša Joang Hore o Khethile Bophelo bo sa Feleng? (peSU khao. 30 lir. 13-15)
No. 4: Ke Joang Feela re ka Fumanang Tsebo ea ’Nete le Bohlale? (rsSU leq. 117 lir. 1, 2)
Dec. 30 Tlhahlobo e Ngoloang. Qetella Genese 29 ho ea ho Exoda 40
Pina No. 85