Liboka tsa Tšebeletso tsa May
Beke e Qalang ka May 3
10 mets: Litsebiso tsa phutheho le Litsebiso tse khethiloeng ho Tšebeletso ea Rōna ea ’Muso. Bua ka litokisetso tse khethehileng bakeng sa tšebeletso ea tšimo nakong ea matsatsi a phomolo ka May.
20 mets: “Ho Kopanela ka Katleho Tšebeletsong ea Rōna e Bolokang Bophelo.” Puo le lipontšo. Ka mor’a kenyeletso e khutšoaane, kenyeletsa lipontšo tse tharo tse thehiloeng lirapeng tsa 2-5. Ka mor’a pontšo ka ’ngoe, botsa bamameli hore na nehelano ka ’ngoe e ka fetoloa joang hore e lokele maemo a sa tšoaneng a leng tšimong ea lōna. Qetella ka ho khothaletsa bohle hore ba kopanele ka ho feletseng tšebeletsong mafelo-bekeng ana.
15 mets: Bohlokoa ba Bomoea ba Lelapa. Puo ka moholo. Bua ka tlhokahalo ea hore lelapa le buisane ka temana ea letsatsi, u bontše kamoo sena se ka etsoang tlas’a maemo a sa tšoaneng le likemisong tsa lelapa. U boele u hatelle tlhokahalo ea hore ho be le thapelo e etsoang lelapa lohle le kopane bonyane hanngoe ka letsatsi. Sena se ka etsoa pele ho robaloa. Litekanyetso tse tšoanang li ka sebetsa malapeng ao molekane e mong a sa lumelang, malapeng a motsoali a le mong, le malapeng ao ho se nang bana. Ho lokisetsa le lelapa ho boetse ho phetha karolo ea bohlokoa e le hore le ka rua molemo o eketsehileng libokeng tsa phutheho beke ka ’ngoe le ho khona ho matlafatsa le tumelo ea ba bang.—Ba-Heb. 10:23-25.
Pina 104 le thapelo e koalang.
Beke e Qalang ka May 10
10 mets: Litsebiso tsa phutheho. Buisana le bahoeletsi ba atlehileng ho fumana lipeeletso ho fihlela joale. (Sena se lokela ho lokisoa esale pele ka thuso ea moena ea sebetsanang le lipeeletso phuthehong.)
15 mets: “Ho Tobana ka Katleho le Phephetso ea Tšebeletso ea Ntlo le Ntlo.” Lipotso le likarabo. Bala mangolo a bontšitsoeng ’me u bontše hore na a ka sebelisoa joang?
20 mets: “‘A re Eeng ka Tlung ea Jehova.’” Lirapa 1-8 tsa kenyeletso li koaheloe ka lipotso le likarabo. Bua hakhutšoaane ka lintlha tse khōlō tsa likhatiso tse boletsoeng serapeng sa 7. E re mohoeletsi ea tšoanelehang a etse pontšo ea kamoo ho ka thusoang motho e mocha hore a utloisise hore na ke ka lebaka la’ng re hlophisitsoe ka liphutheho. (wSU84 11/1 leq. 14 lir. 6, 7) Totobatsa likarolo tse sa tšoaneng tsa liboka tsa rōna tse fapaneng ka ho feletseng le litšebeletso tsa bolumeli tsa Bokreste-’mōtoana. Khothaletsa ba khannang lithuto tsa Bibele hore beke ka ’ngoe ba kenyeletse puisano e khutšoaane e etselitsoeng ho thusa seithuti hore se hōlise kananelo e khōloanyane bakeng sa mokhatlo o hlophisitsoeng le tlhokahalo ea hore re be karolo ea oona.
Pina 134 le thapelo e koalang.
Beke e Qalang ka May 17
10 mets: Litsebiso tsa phutheho, ho kopanyeletsa le tlaleho ea lichelete le liteboho tsa menehelo. Babatsa phutheho ka ho tšehetsa phutheho ka lichelete esita le mosebetsi oa Mokhatlo oa lefatše ka bophara.
20 mets: “Khutlelang ka Thabo ho Thusa ba Thahasellang.” Puisano le bamameli le lipontšo. Hatella tlhokahalo ea hore ho ngoloe litlaleho tse nepahetseng ha ho fumanoa motho ea thahasellang. Lokisetsa lipontšo tse peli bakeng sa lirapa tsa 3-6. Lipontšo tsena li lokela ho bontša maemo a sebakeng sa habo lōna ’me ho be bonolo ho li fetola ha ho hlokahala.
15 mets: “‘A re Eeng ka Tlung ea Jehova.’” Lirapa tsa 9-14 tsa kenyeletso li koaheloe ka lipotso le likarabo. A sebelisa litlhahiso tse leng lirapeng tsa 12 le 13, e re mohoeletsi a etse pontšo ea kamoo ho ka buisanoang ka teng le motho ea sa iketseng ea fumanehang.
Pina 54 le thapelo e koalang.
Beke e Qalang ka May 24
10 mets: Litsebiso tsa phutheho. Litaba tsa Puso ea Molimo. Hopotsa phutheho ka litokisetso tse khethehileng tsa tšebeletso ea tšimo bakeng sa ’Mantaha, May 31.
20 mets: “Bacha—Tataisang Mehato ea Lōna ka Bohlale.” Boitsebiso bo koaheloe ka lipotso le likarabo. Ka mor’a serapa sa 3, etsa pontšo e khutšoaane ea mohoeletsi e mocha lilemong a kōpa mohoeletsi ea hōlileng hore a sebetse le eena tšebeletsong ea tšimo. Mohoeletsi ea hōlileng o lumela ka thabo ’me o etsa tlhahiso ea hore ba hlahlobe linehelano tsa bona pele ba sebetsa ’moho.
15 mets: Molebeli oa tšebeletso o bua ka litokisetso tsa phutuho ea tšimo e sa abuoang ka 1993. Bua ka lengolo la Mokhatlo la April 1, 1993 mabapi le phutuho. Tsebisa phutheho ka litokisetso tse ntseng li etsoa ke sehlopha sa baholo. (Liphutheho tse sa kopaneleng phutuhong ea tšimo e sa abuoang li ka bua ka litlhoko tsa phutheho, tse akareletsang ho sebetsa tšimo e sebetsoang khafetsa.)
Pina 223 le thapelo e koalang.
Beke e Qalang ka May 31
y10 mets: Litsebiso tsa phutheho. Bua ka lintlha tse khōlō bukeng ea Motho e Moholo tse ka sebelisoang ka June. Khothaletsa bahoeletsi hore ba ikhopotse litlhahiso tsa tšebeletso ea tšimo tse leng leqepheng la ho qetela ho Tšebeletso ea Rōna ea ’Muso ea August 1992.
10 mets: Lebokose la Lipotso. Puo ka moholo.
15 mets: Na U tla Bula Maliboho Likhoeling tse Tlang? Buisana le ba bang ba ileng ba nka bopula-maliboho bo thusang ka March le April. Ba ruile melemo efe ka ho nka bopula-maliboho bo thusang? Tšebeletso ea bona ea tšimo e ile ea ntlafala joang? Na ba ile ba qalisa lithuto tsa Bibele leha e le life tse tsoelang pele kapa litselana tsa limakasine? Na ho na le melemo e meng? Khothaletsa bacha le ba bang bao maemo a bona a ka ba lumellang hore ba sebelise matsatsi a bona a phomolo hamolemo. Ka ho khetheha bahoeletsi ba kenang sekolo ba lokela ho ikitlaetsa ho bula maliboho matsatsing a tlang a phomolo. Buisana le mohoeletsi a le mong kapa ba babeli ba kenang sekolo ba ileng ba nka bopula-maliboho bo thusang nakong e fetileng. Ba bang ba ka ’na ba khona ho thusa ho koahela tšimo e sa sebetsoeng khafetsa kapa tšimo e sa abuoang likhoeling tse tlang.—2 Ba-Kor. 9:6b.
10 mets: Na Molimo o Tšoarela Libe tsa Rōna? Baholo ba babeli ba itokisetsa ho etsa leeto la bolisa. Ba buisana kamoo ba ka thusang moena ea ntseng a khathatsoa ke libe tsa nakong e fetileng ’me a ipotsa hore na ebe Molimo o mo tšoaretse. Baholo ba ikhopotsa boitsebiso bo bukeng ea Ho Bea Mabaka, maqepheng a 145-8, le bukeng ea Insight, Moqolo I, maqepheng a 861-2. Ba bua ka tlhokahalo ea hore ba sebetsane le moena enoa ka mosa ’me ba totobatse mohau oa Jehova le boikemisetso ba hae ba ho tšoarela. Ba boetse ba rera ho hatella tlhokahalo ea hore moena a etse boiteko ba botho; ho ipolela feela ha hoa lekana. Baholo ba tla ithaopela ho botsa moena nako le nako, ba mo thuse moeeng ho latela keletso e fanoeng.
Pina 214 le thapelo e koalang.