Liboka tsa Tšebeletso tsa October
Beke e Qalang ka la 3 October
10 mets: Litsebiso tsa phutheho le Litsebiso tse loketseng tse tsoang ho Tšebeletso ea Rōna ea ’Muso.
17 mets: “Joale ke Nako.” Lipotso le likarabo. Akarelletsa litlhaloso tse tsoang sehloohoaneng “Hahamallang Lipakane tsa Moea” maqepheng a 4 le 5 ho Tšebeletso ea Rōna ea ’Muso ea November 1993.
18 mets: “Ameha ka Limakasine ka October.” Buisana le bamameli. E-ba le lipontšo tse peli tse lokiselitsoeng hantle tse bontšang kamoo ho ka sebelisoang limakasine ho qalisa puisano. Hatisa bohlokoa ba ho buella lipeeletso ntlong e ’ngoe le e ’ngoe. Moo ho hanoang peeletso, nehelana ka limakasine tse peli u e-na le pakane ea ho qalisa le ho ntšetsa pele tselana ea limakasine.
Pina 212 le thapelo e koalang.
Beke e Qalang ka la 10 October
10 mets: Litsebiso tsa phutheho. Tlaleho ea lichelete le liteboho leha e le life bakeng sa monehelo.
20 mets: “Batsoali—Tšehetsang!” Puo ka moholo e thehiloeng lihloohong tsa pele tse tharo ho Tsoha! ea August 8, 1994. Etsa hore boitsebiso bo sebetse sebakeng sa lōna. Ka bokhutšoanyane buisana ka lipotso le motsoali ea bileng le phihlelo ea ho buisana le matichere kapa batsamaisi ba sekolo. Hatisa kamoo batsoali ba ka tšehetsang bana ba bona.
15 mets: Litlhoko tsa phutheho. Kapa moholo a fane ka puo sehloohong “Na U ka Bontša Mamello?” ho Molula-Qhooa oa May 15, 1994, maqepheng a 21-3.
Pina 108 le thapelo e koalang.
Beke e Qalang ka la 17 October
10 mets: Litsebiso tsa phutheho. Litaba tsa Puso ea Molimo.
20 mets: “Kopano ea Setereke ea ‘Tšabo ea Bomolimo’ ea 1994.” Kenyeletso. Lipotso le likarabo lirapeng tsa 1-11, e fanoe ke moholo. Lebisa tlhokomelo e khethehileng ho “Likhopotso tsa Kopano ea Setereke.” Phetha puisano ka ho ikhopotsa lintlha tsa sehlooho le bamameli. Khothalletsa bohle hore ba lule litulong esale pele le ho lula fatše lenaneong lohle. Hatisa tlhokahalo ea ho sebelisa seo re ithutileng sona.
15 mets: “Ka Lerato Thusa ba Bontšang Thahasello.” Buisana le bamameli. Lokisetsa hore ho be le lipontšo tse peli ho sebelisoa linehelano tse hlahisitsoeng. Hlalosa se amehang ha ho qalisoa tselana ea limakasine, eo hamorao e ka fetohang thuto e behang ea Bibele.
Pina 156 le thapelo e koalang.
Beke e Qalang ka la 24 October
12 mets: Litsebiso tsa phutheho. Ikhopotse “Re Tla Boela re Ithuta Buka Tlhōrō ea Tšenolo.” Hopotsa bohle ka bohlokoa ba ho ithuta esale pele le ho ba teng kamehla.
15 mets: Na U na le Odoro e Tobileng? Limakasine tsa Molula-Qhooa le Tsoha! ke lithuso tse matla ho haseng molaetsa oa ’Muso. Re lokela ho nehelana ka tsona ha monyetla o mong le o mong o hlaha. Tšebeletso ea Rōna ea ’Muso ea May 1984 e ile ea khothaletsa hore mohoeletsi e mong le e mong a be le “odoro ea limakasine e tobileng . . . bakeng sa palo e itseng ea likopi tokollong ka ’ngoe.” Ho seng joalo re ka fumana hore ha re na litokollo tsa morao-rao tseo re ka nehelanang ka tsona ’me re tlameha ho itšetleha ka lipampitšana kapa libukana tse lekanang le limakasine. Ho molemo hore setho ka seng sa lelapa se be le odoro e tobileng. Etsang liodoro tsa lōna moo ho rekisoang limakasine. Tiisang hore le nka limakasine beke le beke. Bolela melemo e tlisoang ke ho ba le odoro e tobileng.
18 mets: “Kopano ea Setereke ea ‘Tšabo ea Bomolimo’ ea 1994.” Kenyeletso. Puo lirapeng tsa 12-24 ka mongoli oa phutheho. Phetha ka ho hlahloba lintlha tsa sehlooho. Hatisa bohlokoa ba hore bohle ba itšoare ka tsela e loketseng. Hopotsa ba batlang marobalo hore ba etse likōpo.
Pina 171 le thapelo e koalang.
Beke e Qalang ka la 31 October
12 mets: Litsebiso tsa phutheho. Kaha ka November le December ho tla ba le matsatsi a phomolo a lefatše, khothalletsa bohle hore ba nahanele ho ngolisa e le bo-pula-maliboho ba thusang. Fana ka litlhahiso tsa kamoo re ka fumanang nako e lekaneng ea ho etsa seo. Bua ka liphihlelo tse ling tse hlaheletseng tse thabetsoeng nakong ea phutuho ea tšimo e sa abuoang.
18 mets: “Batlang ’Muso oa Molimo Pele—Ka Hore Kamehla le Nyehele Mahlabelo a Thoriso.” Lipotso le likarabo. Bolela lipakane tse ling tse molemo tseo re ka li hahamallang ka borōna. Bua ka litsela tseo ka tsona re ka khonang ho thusa ba bang hore ba etse ho eketsehileng.
15 mets: Nehelana ka Bibele—Lentsoe la Molimo Kapa la Motho? ka November. Kaha batho ba bangata ba na le Bibele, ho hlokahala hore re ba bontše hore na ke hobane’ng ha ho le bohlokoa ho e bala. Bua ka buka Ho Bea Mabaka (leqepheng la 55, sehloohoana “Boprofeta ba Bibele bo hlalosa maemo a lefatše”), ebe u tšohla kamoo u ka ’nang ua qalisa puisano ea Mangolo e thehiloeng ho Johanne 17:3 le Pesaleme ea 37:10, 11, 29. Lokisetsa hore mohoeletsi ea nang le tsebo a etse pontšo ea kamoo buka Bibele—Lentsoe la Molimo Kapa la Motho? e ka buelloang tšimong ea lōna.
Pina 136 le thapelo e koalang.