Kemiso ea Sekolo sa Tšebeletso sa Puso ea Molimo Bakeng sa 1996
LITAELO
Ka 1996 ho tla ba le litokisetso tse latelang ha ho tsamaisoa Sekolo sa Tšebeletso sa Puso ea Molimo.
LIBUKA: Bibele, Lipaki tsa Jehova—Baboleli ba ’Muso oa Molimo [jv-SU], “Lengolo Lohle le Bululetsoe ke Molimo ’me le Molemo” [si-SU], Lihlooho tsa Litaba tsa Bibele tsa Puisano [td-SU], Ho Bea Mabaka ka Mangolo [rs-SU] le Tsebo e Isang Bophelong bo sa Feleng [kl-SU] e tla ba tsona mohloli oa likabelo.
Sekolo se lokela ho qala KA NAKO ka pina, thapelo le mantsoe a kamohelo ’me se tsoele pele ka mokhoa o latelang:
KABELO NO. 1: Metsotso e 15. E lokela ho fanoa ke moholo kapa mohlanka ea sebeletsang, ’me e tla thehoa ho Lipaki tsa Jehova—Baboleli ba ’Muso oa Molimo kapa “Lengolo Lohle le Bululetsoe ke Molimo ’me le Molemo.” Ha e thehiloe bukeng ea Baboleli, kabelo ena e lokela ho fanoa e le puo ea taeo ea metsotso e 15 ho se tlhahlobo ea molomo; ha e thehiloe bukeng ea “Lengolo Lohle,” e lokela ho fanoa e le puo ea taeo ea metsotso e 10 ho ea ho e 12 ’me e lateloe ke tlhahlobo ea molomo ea metsotso e 3 ho ea ho e 5, ho sebelisoa lipotso tse hatisitsoeng tse leng bukeng. Sepheo e se be feela ho akaretsa boitsebiso empa ho lebisa tlhokomelo molemong o sebetsang oa boitsebiso boo ho buisanoang ka bona, ho totobatsa lintlha tse tla fana ka thuso e khōlō ka ho fetisisa phuthehong. Ho lokela hore ho sebelisoe sehlooho se bontšitsoeng. Litšoantšo, lifoto, le lichate tse bukeng ea Baboleli li ka hlalosoa ke sebui ’me tsa sebelisoa e le lithuso tsa ho ruta.
Baena ba abetsoeng puo ena ba lokela ho ba hlokolosi hore ba boloke nako eo ba e abetsoeng. Keletso ea boinotšing e ka fanoa haeba ho hlokahala kapa haeba sebui se e kōpile esale pele.
LINTLHATSE KHŌLŌ TSA ’MALO OA BIBELE: Metsotso e 6. Li lokela ho fanoa ke moholo kapa mohlanka ea sebeletsang ea tla sebelisa boitsebiso bona ka tsela e molemo litlhokong tsa phutheho. E se ke ea e-ba feela kakaretso ea ’malo o abuoeng. Ho ka kopanyelletsoa tlhahlobo e akaretsang ea likhaolo tse abuoeng ka metsotsoana e 30 ho ea ho e 60. Leha ho le joalo, pakane e ka sehloohong ke ho thusa bamameli ho utloisisa hore na ke hobane’ng le hore na ke joang boitsebiso bona e leng ba bohlokoa ho rōna. Ka mor’a moo molebeli oa sekolo o tla bolella liithuti hore li ee litlelaseng tsa tsona tse fapaneng.
KABELO NO. 2: Metsotso e 5. Eona ke ’malo oa Bibele oa boitsebiso bo abuoeng ’me e lokela ho fanoa ke moena. Sena se tla sebetsa ka sekolong se tšoareloang ka holong e khōlō le lihlopheng tse nyenyane. Hangata likabelo tsa ’malo li khutšoanyane ka ho lekaneng hoo seithuti se ka khonang ho etsa litlhaloso tse khutšoanyane ha se qala le ha se qetella. Ho ka akaretsoa taba ea histori, ea se boleloang ke boprofeta kapa lithuto tsa Bibele, le kamoo melao-motheo e sebetsang kateng. Litemana tsohle tse abuoeng li lokela ho baloa ho sa kenyeletsoe letho lipakeng. Ho hlakile hore ha litemana tse lokelang ho baloa li sa latellane, seithuti se ka bolela temana eo ’malo o tsoelang pele ho eona. KABELO NO. 3: Metsotso e 5. Ena e tla abeloa khaitseli. Sehlooho sa nehelano ena se tla thehoa bukaneng ea Lihlooho tsa Litaba tsa Bibele tsa Puisano. Seithuti se e abetsoeng se lokela ho tseba ho bala. Seithuti se ka ’na sa lula kapa sa ema nakong ea ha se fana ka boitsebiso bona. Ho tla hlokahala hore khaitseli ea abetsoeng karolo ena a lumellanye sehlooho le boitsebiso boo ho buisanoang ka bona le boemo bo sebetsang, haholo-holo e be boemo bo amang tšebeletso ea tšimo kapa bopaki bo sa reroang. Molebeli oa sekolo o tla aba mothusi a le mong, empa ho ka ’na ha sebelisoa bathusi ba eketsehileng. Ntho e ka sehloohong eo ho amehoang ka eona e se be mokhoa oo puo e neheloang ka oona empa e be boitsebiso bo fanoang.
KABELO NO. 4: Metsotso e 5. Eona e tla abeloa moena kapa khaitseli. E tla thehoa ho Ho Bea Mabaka ka Mangolo kapa Tsebo e Isang Bophelong bo sa Feleng. Ha e abetsoe moena, puo ena e lokela ho fanoa ho nahannoe ka bamameli ba leng Holong ea ’Muso. Ha khaitseli a abetsoe karolo ena, boitsebiso bo lokela ho fanoa joalokaha ho bontšitsoe bakeng sa Kabelo No. 3. Haeba kabelo e thehiloe bukeng ea Tsebo, e ka nehelanoa boemong ba leeto la ho boela kapa thuto ea lehae ea Bibele. Molebeli oa sekolo o tla thahasella ka ho khetheha tsela eo seithuti se thusang mong’a ntlo ho beha mabaka le ho utloisisa boitsebiso le kamoo mangolo a sebelisoang kateng. Ha ho hlokahale hore lirapa tse leng bukeng li baloe.
KELETSO LE LITLHALOSO: Ka mor’a hore seithuti ka seng se fane ka puo, molebeli oa sekolo o tla fana ka keletso e tobileng, ho sa hlokahale hore a latele lintlha tsa keletso tse thathamisitsoeng ka ho latellana leqetšoaneng la Keletso ea Puo. Ho e-na le hoo, o lokela ho lebisa tlhokomelo likarolong tseo seithuti se lokelang ho ntlafatsa ho tsona. Haeba ho tšoaneleha hore seithuti se tšoauoe feela “H” ’me ho se ntlha e ’ngoe ea keletso e tšoailoeng “N” kapa “S,” joale moeletsi o lokela ho etsa lesakana lebokoseng, leo ka tloaelo le ngoloang “H,” “N,” kapa “S,” le mabapi le ntlha ea keletso eo seithuti se lokelang ho sebeletsa ho eona nakong e tlang. O tla tsebisa seithuti ka sena hona mantsiboeeng ao le ho ngola ntlha ena ea keletso leqetšoaneng le latelang la seithuti la Kabelo ea Sekolo sa Tšebeletso sa Puso ea Molimo (S-89). Ba fanang ka lipuo ba lokela ho lula ho elella ka pele holong. Sena se tla boloka nako le ho thusa molebeli oa sekolo ho fana ka keletso ka tsela e tobileng ho seithuti ka seng. Haeba nako e lumela ka mor’a ho fana ka keletso ea molomo e hlokahalang, moeletsi a ka hlalosa lintlha tse rutang le tse sebetsang tseo liithuti li sa kang tsa li akarelletsa. Molebeli oa sekolo o lokela ho se sebelise metsotso e fetang e ’meli ha a fana ka keletso le litlhaloso tse ling tse khutloanyane ka mor’a puo ea seithuti ka seng. Haeba kabelo ea lintlha tse khōlō tsa Bibele e siile boitsebiso bo bong ba bohlokoa, ho ka fanoa ka keletso boinotšing.
HO LOKISETSA LIKABELO: Pele seithuti se lokisetsa puo eo se e abetsoeng, se lokela ho bala ka hloko boitsebiso ba Buka ea Tataiso ea Sekolo bo sebetsanang le ntlha eo se lokelang ho sebeletsa ho eona. Liithuti tse fuoeng Kabelo No. 2 li ka khetha sehlooho se loketseng karolo ea Bibele e tla baloa. Likabelo tse ling li tla hōlisoa tumellanong le sehlooho se bontšitsoeng kemisong e hatisitsoeng.
NAKO: Ha ho puo, leha e le keletso kapa litlhaloso tsa moeletsi tse lokelang ho ja nako. Kabelo No. 2 ho ea ho 4 li lokela ho emisoa ka bohlale ha nako ea tsona e felile. Motho ea abetsoeng ho etsa pontšo ea ho emisa seithuti o lokela ho etsa joalo hang-hang. Ha baena ba fanang ka Kabelo No. 1 le lintlha tse khōlō tsa Bibele ba e-ja nako, ba lokela ho eletsoa boinotšing. Bohle ba lokela ho sheba nako ea bona ka hloko. Nako ea lenaneo lohle: metsotso e 45, ho sa akarelletsoe pina le thapelo.
TLHAHLOBO E NGOLOANG: Nako le nako ho tla ba le tlhahlobo e ngoloang. Bakeng sa ho e lokisetsa, hlahlobang boitsebiso bo abuoeng le ho qetella ’malo oa Bibele o abuoeng. Ho ka sebelisoa Bibele feela nakong ea tlhahlobo ena ea metsotso e 25. Nako e setseng e tla sebelisetsoa puisano ea lipotso le likarabo. Seithuti ka seng se tla tšoaea leqephe la sona. Molebeli oa sekolo o tla hlahloba likarabo tsa lipotso tsa tlhahlobo le bamameli le ho lebisa tlhokomelo lipotsong tse thata haholoanyane, ka morero oa ho thusa bohle ho utloisisa likarabo ka ho hlaka. Haeba maemo a sebaka sa lōna a le qobella, tlhahlobo e ngoloang e ka etsoa bekeng e latelang e bontšitsoeng kemisong.
KEMISO
La 1 Jan. ’Malo oa Bibele: Jeremia 13 ho ea ho 15
No. 1: Boitšoaro bo re Khethollang ho Lefatše (jv-SU leq. 178 ser. 4–leq. 183 ser. 1)
No. 2: Jeremia 14:10-22
No. 3: td-SU 30A Seo ’Muso oa Molimo o Tla se Etsetsa Moloko oa Batho
No. 4: Jesu ha aa ka a ea Leholimong ka ’Mele oa Nama (rs-SU leq. 427 ser. 3–leq. 428 ser. 2)
La 8 Jan. ’Malo oa Bibele: Jeremia 16 ho ea ho 19
No. 1: Tlhompho Bakeng sa Bophelo le ho Hloeka Boitšoarong ha Mokhatlo o Hlophisitsoeng (jv-SU leq. 183 ser. 2–leq. 187)
No. 2: Jeremia 18:1-17
No. 3: td-SU 30B Puso ea ’Muso e Qala ha LiraTsa Kreste li sa Ntse li Sebetsa ka Mafolo-folo
No. 4: Lebaka la Hore Jesu a Hlahe ka ’Mele ea Nama (rs-SU leq. 428 ser. 3–leq. 429 ser. 2)
La 15 Jan. ’Malo oa Bibele: Jeremia 20 ho ea ho 22
No. 1: Bakreste ba ’Nete Hase Karolo ea Lefatše (jv-SU leq. 188–leq. 192 ser.2)
No. 2: Jeremia 20:1-13
No. 3: td-SU 30C ’Muso oa Molimo ha o Tlisoe ke Boiteko ba Motho
No. 4: Ba Tsosetsoang ho Busa le Kreste ba Tla Tšoana le Eena (rs-SU leq. 429 ser. 4–leq. 430 ser. 1)
La 22 Jan. ’Malo oa Bibele: Jeremia 23 ho ea ho 25
No. 1: Botšepehi ho Molimo le ho se Nke Lehlakore ha Bokreste (jv-SU leq. 192 ser. 3–leq. 195 ser. 4)
No. 2: Jeremia 23:16-32
No. 3: td-SU 27A Se Boleloang ke “Bofelo ba Lefatše”
No. 4: Seo Tsoho e Tla se Bolela ho Moloko oa Batho ka Kakaretso (rs-SU leq. 430 ser. 2–leq. 431 ser. 2)
La 29 Jan. ’Malo oa Bibele: Jeremia 26 ho ea ho 28
No. 1: Mekhoa ea Lefatše e Phephetsang Botšepehi ba Mokreste (jv-SU leq. 196 ser. 1–leq. 201)
No. 2: Jeremia 26:1-16
No. 3: td-SU 27B Falimehela Bopaki ba Mehla ea Qetello
No. 4: Lebaka la Hore ba Tsositsoeng ba se Ahloleloe Liketso Tsa Bona Tsa Nako e Fetileng (rs-SU leq. 431 ser. 4)
La 5 Feb. ’Malo oa Bibele: Jeremia 29 ho ea ho 31
No. 1: Qaleho ea Khōlo ea Mokhatlo oa Kajeno o Hlophisitsoeng (jv-SU leq. 204–leq. 209 ser. 1)
No. 2: Jeremia 31:27-40
No. 3: td-SU 6A Molimo o Tšepisa Moloko oa Batho o Utloang Bophelo bo sa Feleng
No. 4: Kamoo “Bafu ba Bang” ba Phelang Lefatšeng (rs-SU leq. 432 lir. 1-4)
La 12 Feb. ’Malo oa Bibele: Jeremia 32 le 33
No. 1: Ho Hlophisetsa ho Boleloa ha Litaba Tse Molemo (jv-SU leq. 209 ser. 2–leq. 217 ser. 1)
No. 2: Jeremia 33:1-3, 14-26
No. 3: td-SU 6B Leholimong ho ea Feela ba Leng ’Meleng oa Kreste
No. 4: Ba Akarelletsoang Tsohong ea Lefatšeng (rs-SU leq. 433 ser. 1–leq. 434 ser. 1)
La 19 Feb. ’Malo oa Bibele: Jeremia 34 ho ea ho 37
No. 1: Mokhatlo o Hlophisitsoeng oa Puso ea Molimo le Melemo ea Oona (jv-SU leq. 217 ser. 2–leq. 221 ser. 4)
No. 2: Jeremia 35:1-11, 17-19
No. 3: td-SU 6C Lenane le sa Lekanyetsoang la “Linku Tse Ling” le Tšepisitsoe Bophelo bo sa Feleng
No. 4: Liketsahalo Tse Amanang le ho ba Teng ha Kreste li Etsahala ka Lilemo Tse Itseng (rs-SU leq. 153 lir. 1, 2)
La 26 Feb. ’Malo oa Bibele: Jeremia 38 ho ea ho 41
No. 1: Balebeli baTsamaeang ba Matlafatsa Liphutheho (jv-SU leq. 222 ser. 1–leq. 227 ser. 4)
No. 2: Jeremia 38:1-13
No. 3: td-SU 21A Kopano ea Lenyalo e Tlameha ho Hlompheha
No. 4: Ho Khutla ha Kreste ha ho Bonahale (rs-SU leq. 153 ser. 3–leq. 154 ser. 2)
La 4 Mar. ’Malo oa Bibele: Jeremia 42 ho ea ho 45
No. 1: Litokiso le Koetliso ea Puso ea Molimo Bakeng sa Balebeli ba Tsamaeang (jv-SU leq. 227 ser. 5–leq. 232 ser. 3)
No. 2: Jeremia 43:1-13
No. 3: td-SU 21B Bakreste baTlameha ho Hlompha Molao-motheo oa Bohlooho
No. 4: Mokhoa oo Jesu a Tlang ka Oona le Kamoo Mahlo ’Ohle a Tlang ho mo Bona (rs-SU leq. 154 ser. 4–leq. 155 ser. 4)
La 11 Mar. ’Malo oa Bibele: Jeremia 46 ho ea ho 48
No. 1: Ho Itlhomella Bakeng sa Keketseho e Potlakileng (jv-SU leq. 233 ser. 1–leq. 235)
No. 2: Jeremia 48:1-15
No. 3: td-SU 21C Boikarabelo ba Batsoali ba Bakreste ho Bana
No. 4: Liketsahalo Tse Amanang le ho ba Teng ha Kreste (rs-SU leq. 156 lir. 1-5)
La 18 Mar. ’Malo oa Bibele: Jeremia 49 le 50
No. 1: Liboka Tse Khotsofatsang Litlhoko Tsa Moea (jv-SU leq. 236–leq. 241 ser. 1)
No. 2: Jeremia 49:1-11, 15-18
No. 3: td-SU 21D Bakreste ba Lokela ho Nyalana Feela le Bakreste ba Bang
No. 4: Ha ho Hlokahale Hore Bakreste ba Boloke Sabbatha (rs-SU leq. 380 ser. 3–leq. 381 ser. 4)
La 25 Mar. ’Malo oa Bibele: Jeremia 51 le 52
No. 1: Jeremia—Lebaka Leo e Leng Molemo (si-SU leq. 129 lir. 36-39)
No. 2: Jeremia 51:41-57
No. 3: td-SU 21E Bakreste ba ’Nete ha ba Nyale Sethepu
No. 4: Ha ho Tlaleho ea Bibele Hore Adama o Ile a Boloka Letsatsi la Sabbatha (rs-SU leq. 382 lir. 1-3)
La 1 Apr. ’Malo oa Bibele: Lillo 1 le 2
No. 1: Selelekela sa Lillo (si-SU maq. 130-1 lir. 1-7)
No. 2: Lillo 2:13-22
No. 3: td-SU 8A Maria e ne e se “’Mè oa Molimo”
No. 4: Jesu ha aa ka a Arola Molao oa Moshe ka Likarolo Tsa “Mekete” le “Boitšoaro” (rs-SU leq. 382 ser. 4–leq. 383 ser. 1)
La 8 Apr. ’Malo oa Bibele: Lillo 3 ho ea ho 5
No. 1: Lillo—Lebaka Leo e Leng Molemo (si-SU leq. 132 lir. 13-15)
No. 2: Lillo 5:1-22
No. 3: td-SU 8B Bibele e Bontša Hore Maria e ne e se “Moroetsana oa ka ho sa Feleng”
No. 4: Melao e Leshome e Felile Hammoho le Molao oa Moshe (rs-SU leq. 383 lir. 2-3)
La 15 Apr. ’Malo oa Bibele: Ezekiele 1 ho ea ho 4
No. 1: Selelekela sa Ezekiele (si-SU maq. 132-3 lir. 1-6)
No. 2: Ezekiele 3:16-27
No. 3: td-SU 38A Seo Mangolo a se Bolelang ka Sehopotso
No. 4: Lebaka la Hore Lithibelo Tsa Boitšoaro li se Felisoe le Melao e Leshome (rs-SU leq. 384 lir. 1, 2)
La 22 Apr. ’Malo oa Bibele: Ezekiele 5 ho ea ho 8
No. 1: Mokete oa Lefu la Morena (jv-SU leq. 242 ser. 1–leq. 243 ser. 4)
No. 2: Ezekiele 5:1-15
No. 3: td-SU 38B Ho Etsa ’Misa ha ho Lumellane le Mangolo
No. 4: Seo Sabbatha e se Bolelang ho Bakreste (rs-SU leq. 385 ser. 1–leq. 386 ser. 3)
La 29 Apr. Tlhahlobo e Ngoloang. Qetella Jeremia 13 ho ea ho Ezekiele 8
La 6 May ’Malo oa Bibele: Ezekiele 9 ho ea ho 11
No. 1: Bacha ba Fuoa Tlhokomelo ’me Kaofela ba Khothalletsoa ho Bolela (jv-SU leq. 244 ser. 1–leq. 248 ser. 3)
No. 2: Ezekiele 9:1-11
No. 3: td-SU 29A Bakreste Bohle e Tlameha ho ba Basebeletsi
No. 4: Molimo o Batla Hore U be le Bokamoso bo Thabileng (kl-SU maq. 6-7 lir. 1-5)
La 13 May ’Malo oa Bibele: Ezekiele 12 ho ea ho 14
No. 1: Ho Lokisetsoa Liboka Hore Bohle ba Bone le ho Mamela (jv-SU leq. 248 ser. 4–leq. 253)
No. 2: Ezekiele 14:1-14
No. 3: td-SU 29B Litšoaneleho Bakeng sa Bosebeletsi
No. 4: Bophelo bo sa Feleng Paradeiseng—Hase Toro (kl-SU maq. 7-9 lir. 6-10)
La 20 May ’Malo oa Bibele: Ezekiele 15 le 16
No. 1: Likopano li Fana ka Bopaki ba Boena ba Rōna (jv-SU leq. 254–leq. 260 ser. 2)
No. 2: Ezekiele 16:46-63
No. 3: td-SU 17A Lebaka Leo Bakreste ba ’Nete ba Hlorisoang ka Lona
No. 4: Kamoo Bophelo bo Tla ba Kateng Paradeiseng (kl-SU maq. 9-10 lir. 11-16)
La 27 May ’Malo oa Bibele: Ezekiele 17 ho ea ho 19
No. 1: Liketsahalo Tsa Bohlokoa Khōlong ea Moea (jv-SU leq. 260 ser. 3–leq. 264 ser. 4)
No. 2: Ezekiele 18:21-32
No. 3: td-SU 17B Mosali ha aa Lokela ho Lumella Monna oa Hae ho mo Arohanya le Molimo
No. 4: Lebaka la Hore Tsebo ea Molimo e be ea Bohlokoahali (kl-SU maq. 10-11 lir. 17-19)
La 3 June ’Malo oa Bibele: Ezekiele 20 le 21
No. 1: Likopano li Matlafatsa Mosebetsi oa Boevangeli (jv-SU leq. 265 ser. 1–leq. 268 ser. 3)
No. 2: Ezekiele 21:18-32
No. 3: td-SU 17C Monna ha aa Lokela ho Lumella Mosali oa Hae ho mo Thibela ho Sebeletsa Molimo
No. 4: Buka e Senolang Tsebo ea Molimo (kl-SU maq. 12-13 lir. 1-6)
La 10 June ’Malo oa Bibele: Ezekiele 22 le 23
No. 1: Lipokano Tse sa Lebaleheng Tsa Batho ba Jehova (jv-SU leq. 269 ser. 1–leq. 275 ser. 1)
No. 2: Ezekiele 22:17-31
No. 3: td-SU 41A Lithapelo Tseo Molimo a li Utloang
No. 4: Seo Bibele e se Senolang ka Molimo (kl-SU maq. 14-15 lir. 7-9)
La 17 June ’Malo oa Bibele: Ezekiele 24 ho ea ho 26
No. 1: Likopano Tse Hlophiselitsoeng ho Isa Thoriso ea Machaba ho Jehova (jv-SU leq. 275 ser. 2–leq. 282)
No. 2: Ezekiele 26:1-14
No. 3: td-SU 41B Lebaka la Hore Lithapelo Tse Ling e be Tse sa Tšoaneleheng
No. 4: Lebaka la Hore U Tšepe Bibele (kl-SU maq. 15-16 lir. 10-13)
La 24 June ’Malo oa Bibele: Ezekiele 27 ho ea ho 29
No. 1: Batlang ’Muso oa Molimo Pele (jv-SU leq. 283–leq. 287 ser. 1)
No. 2: Ezekiele 29:1-16
No. 3: td-SU 13A Motho ha aa Rereloa Bokamoso Esale Pele
No. 4: Bibele e Nepahetse Ebile e ka Tšeptjoa (kl-SU leq. 17 lir. 14, 15)
La 1 July ’Malo oa Bibele: Ezekiele 30 ho ea ho 32
No. 1: Ho Tšepa Jehova ka Lipelo Tsa Bona Tsohle (jv-SU leq. 287 ser. 2–leq. 292 ser. 5)
No. 2: Ezekiele 31:1-14
No. 3: td-SU 42A Bophelo ba Jesu ba Botho e ne e le “Thekollo Bakeng sa Bohle”
No. 4: Bibele ke Buka ea Boprofeta (kl-SU maq. 17-18 lir. 16-18)
La 8 July ’Malo oa Bibele: Ezekiele 33 le 34
No. 1: Ho Susumetsoa ke Lerato ho Sebeletsa Molimo (jv-SU leq. 292 ser. 6–leq. 298 ser. 1)
No. 2: Ezekiele 34:17-30
No. 3: td-SU 42B Lebaka la Hore e be Jesu ea Neng a ka Lefa Thekollo
No. 4: Boprofeta ba Bibele ka Jesu (kl-SU maq. 19-21 lir. 19, 20)
La 15 July ’Malo oa Bibele: Ezekiele 35 ho ea ho 37
No. 1: Ho Bula Maliboho le ho Sebelisa Menyetla ea ho Paka (jv-SU leq. 299 ser. 1-leq. 303)
No. 2: Ezekiele 35:1-15
No. 3: td-SU 5A Mokhoa oa ho Khetholla Bolumeli bo le Bong ba ’Nete
No. 4: Hlaolela Taba-tabelo ea Tsebo ea Molimo (kl-SU maq. 21-2 lir. 21-3)
La 22 July ’Malo oa Bibele: Ezekiele 38 le 39
No. 1: Ho Hōla Hammoho Leratong (jv-SU leq. 304–leq. 307 ser. 1)
No. 2: Ezekiele 38:1-4, 10-12, 18-23
No. 3: td-SU 5B Na ho Fosahetse ho Nyatsa Lithuto Tsa Bohata?
No. 4: Molimo oa ’Nete le Lebitso la Hae (kl-SU maq. 23-4 lir. 1-5)
La 29 July ’Malo oa Bibele: Ezekiele 40 ho ea ho 44
No. 1: Lerato la Boena ho Bahlaseluoa ba Ntoa (jv-SU leq. 307 ser. 2–leq. 310 ser. 2)
No. 2: Ezekiele 40:1-15
No. 3: td-SU 5C Nako eo Molimo a Amohelang Hore Motho a Fetole Bolumeli
No. 4: Lebaka la Hore U Sebelise Lebitso la Molimo (kl-SU maq. 24-5 lir. 6-8)
La 5 Aug. ’Malo oa Bibele: Ezekiele 45 ho ea ho 48
No. 1: Ezekiele—Lebaka Leo e Leng Molemo (si-SU leq. 137 lir. 29-33)
No. 2: Ezekiele 47:1-12
No. 3: td-SU 5D Na Molimo o Nka Malumeli ’Ohle a le Molemo?
No. 4: Kamoo Jehova a Hōlisitseng Lebitso la Hae (kl-SU maq. 25-7 lir. 9-13)
La 12 Aug. ’Malo oa Bibele: Daniele 1 le 2
No. 1: Selelekela sa Daniele (si-SU maq. 138-9 lir. 1-6)
No. 2: Daniele 2:31-45
No. 3: td-SU 43A Ho Tla Tsosoa Bo-mang Bafung?
No. 4: Litšoaneleho Tsa Molimo oa ’Nete (kl-SU maq. 27-8 lir.14-16)
La 19 Aug. ’Malo oa Bibele: Daniele 3 le 4
No. 1: Lerato la Bokreste ha Likoluoa Tsa Tlhaho li Hlasela (jv-SU leq. 310 ser. 3–leq. 315 ser. 2)
No. 2: Daniele 3:16-30
No. 3: td-SU 43B Bafu ba Tla Tsosetsoa Hokae?
No. 4: Jehova Molimo o Mohau Ebile o Lereko (kl-SU maq. 28-9 lir. 17-19)
La 26 Aug. Tlhahlobo e Ngoloang. Qetella Ezekiele 9 ho ea ho Daniele 4
La 2 Sept. ’Malo oa Bibele: Daniele 5 le 6
No. 1: Boena bo Kopaneng Har’a Mahloriso (jv-SU leq. 315 ser. 3–leq. 317)
No. 2: Daniele 6:4-11, 16, 19-23
No. 3: td-SU 11A Ho Khutla ha Kreste ha ho Bonahale
No. 4: Jehova o Lieha ho Halefa, ha a Leeme, ’me o Lokile (kl-SU leq. 30 lir. 20, 21)
La 9 Sept. ’Malo oa Bibele: Daniele 7 le 8
No. 1: Ho Haha Hammoho Lefatšeng ka Bophara (jv-SU leq. 318 ser. 1–leq. 325 ser. 5)
No. 2: Daniele 7:2-14
No. 3: td-SU 11B Ho Khutla ha Kreste ho Lemohuoa ka Linnete Tse Bonahalang
No. 4: Jehova Molimo a ’Notši (kl-SU maq. 30-1 lir. 22, 23)
La 16 Sept. ’Malo oa Bibele: Daniele 9 le 10
No. 1: Ho Ntlafatsa le ho Atolosa Mosebetsi oa Kaho (jv-SU leq. 325 ser. 6–leq. 333 ser. 3)
No. 2: Daniele 9:20-27
No. 3: td-SU 35A Ha ho Hlokahale Hore Bakreste ba Boloke Sabbatha
No. 4: Jesu Kreste ke Senotlolo sa Tsebo ea Molimo (kl-SU maq. 32-3 lir. 1-3)
La 23 Sept. ’Malo oa Bibele: Daniele 11 le 12
No. 1: Daniele—Lebaka Leo e Leng Molemo (si-SU maq. 141-2 lir. 19-23)
No. 2: Daniele 12:1-13
No. 3: td-SU 35B Molao oa Sabbatha o ne o sa Fuoa Bakreste
No. 4: Messia ea Tšepisitsoeng (kl-SU leq. 33 lir. 4, 5)
La 30 Sept. ’Malo oa Bibele: Hosea 1 ho ea ho 5
No. 1: Selelekela sa Hosea (si-SUmaq. 143-4 lir. 1-8)
No. 2: Hosea 5:1-15
No. 3: td-SU 35C Nako eo Sabbatha ea Molimo ea Phomolo e Qalang le ho Fela ka Eona
No. 4: Lesika la Jesu le mo Tsebahatsa e le Messia (kl-SU leq. 34 ser. 6)
La 7 Oct. ’Malo oa Bibele: Hosea 6 ho ea ho 10
No. 1: Katoloso e Potlakileng Lefatšeng Lohle (jv-SU leq. 333 ser. 4–leq. 339)
No. 2: Hosea 8:1-14
No. 3: td-SU 32A Molimo o Fana ka Poloko ka Kreste Feela
No. 4: Boprofeta bo Phethahalitsoeng bo Tsebahatsa Jesu e le Messia (kl-SU maq. 34-6 lir. 7, 8)
La 14 Oct. ’Malo oa Bibele: Hosea 11 ho ea ho 14
No. 1: Hosea—Lebaka Leo e Leng Molemo (si-SU leq. 145 lir. 14-17)
No. 2: Hosea 11:1-12
No. 3: td-SU 32B Hore “Hang ha U Pholositsoe, U Pholositsoe Kamehla” ha ho Lumellane le Mangolo
No. 4: Bopaki bo Eketsehileng ba Hore Jesu e ne e le Messia (kl-SU leq. 36 ser. 9)
La 21 Oct. ’Malo oa Bibele: Joele 1 ho ea ho 3
No. 1: Selelekela sa Joele le Lebaka Leo e Leng Molemo (si-SU maq. 146-8 lir. 1-5, 12-14)
No. 2: Joele 2:1-11, 28-32
No. 3: td-SU 32C “Pholoho ea Bohle” ha e Lumellane le Mangolo
No. 4: Jehova o Paka Mora oa Hae (kl-SU leq. 38 lir. 10, 11)
La 28 Oct. ’Malo oa Bibele: Amose 1 ho ea ho 5
No. 1: Selelekela sa Amose (si-SU maq. 148-9 lir. 1-6)
No. 2: Amose 3:1-15
No. 3: td-SU 36A Seo e Leng Sebe
No. 4: Boteng ba Jesu Pele e E-ba Motho oa Nama (kl-SU leq. 39 lir. 12-14)
La 4 Nov. ’Malo oa Bibele: Amose 6 ho ea ho 9
No. 1: Amose—Lebaka Leo e Leng Molemo (si-SU leq. 150 lir. 13-17)
No. 2: Amose 8:1-14
No. 3: td-SU 36B Lebaka la Hore Batho Bohle ba Utloe Bohloko ka Lebaka la Sebe sa Adama
No. 4: Tsela ea Bophelo ba Jesu Lefatšeng (kl-SU maq. 40-1 lir. 15-17)
La 11 Nov. ’Malo oa Bibele: Obadia ho ea ho Jonase 4
No. 1: Selelekela sa Obadia le Jonase le Lebaka Leo li Leng Molemo (si-SU maq. 151-3 lir. 1-5, 10-14; maq. 153-5 lir. 1-4, 9-12)
No. 2: Jonase 3:10; 4:1-11
No. 3: td-SU 36C Tholoana e Hanetsoeng e ne e le Eng?
No. 4: Jesu O-oa Phela ’me o Busa e le Morena (kl-SU maq. 41-2 lir. 18-20)
La 18 Nov. ’Malo oa Bibele: Mikea 1 ho ea ho 4
No. 1: Selelekela sa Mikea (si-SU maq. 155-6 lir. 1-8)
No. 2: Mikea 4:1-12
No. 3: td-SU 36D Sebe Khahlanong le Moea o Halalelang ke Eng?
No. 4: Borapeli bo Amoheloang ke Molimo (kl-SU maq. 43-5 lir. 1-5)
La 25 Nov. ’Malo oa Bibele: Mikea 5 ho ea ho 7
No. 1: Mikea—Lebaka Leo e Leng Molemo (si-SU maq. 157-8 lir.16-19)
No. 2: Mikea 6:1-16
No. 3: td-SU39A Soule ke Eng?
No. 4: Ho Etsa Thato ea Molimo (kl-SU maq. 46-7 lir. 6-10)
La 2 Dec. ’Malo oa Bibele: Nahume 1 ho ea ho 3
No. 1: Selelekela sa Nahume le Lebaka Leo e Leng Molemo (si-SU maq. 158-60 lir. 1-7, 11, 12)
No. 2: Nahume 1:2-14
No. 3: td-SU 39B Soule le Moea li Fapana Joang?
No. 4: Rapela Molimo ka Tsela eo a Batlang ka Eona (kl-SU leq. 48 lir. 11-13)
La 9 Dec. ’Malo oa Bibele: Habakuke 1 ho ea ho 3
No. 1: Selelekela sa Habakuke le Lebaka Leo e Leng Molemo (si-SU maq. 161-3 lir. 1-5, 12-14)
No. 2: Habakuke 1:12–2:8
No. 3: td-SU28A Moea o Halalelang ke Eng?
No. 4: Itebele Khahlanong le ho Siteloa Molimo (kl-SU maq. 49-50 lir. 14-17)
La 16 Dec. ’Malo oa Bibele: Sofonia 1 ho ea ho 3
No. 1: Selelekela sa Sofonia le Lebaka Leo e Leng Molemo (si-SU maq. 163-6 lir. 1-6, 10-12)
No. 2: Sofonia 1:7-18
No. 3: td-SU 28B Matla a Bophelo a Motho le a Phoofolo a Bitsoa Moea
No. 4: Boloka Litekanyetso Tse Phahameng Tsa Molimo (kl-SU maq. 50-1 lir. 18, 19)
La 23 Dec. ’Malo oa Bibele: Haggai 1 le 2
No. 1: Selelekela sa Haggai le Lebaka Leo e Leng Molemo (si-SU maq. 166-8 lir. 1-7, 13-16)
No. 2: Haggai 2:6-19
No. 3: td-SU 28C Lebaka la Hore Bakreste ba ’Nete ba Qobe Mekhoa Eohle ea Tšebelisano le Meea
No. 4: Neha Jehova Borapeli ba Soule Eohle (kl-SU maq. 51-2 lir. 20-2)
La 30 Dec. Tlhahlobo e Ngoloang. Qetella Daniele 5 ho ea ho Haggai 2