Kemiso ea Liboka Tsa Tšebeletso
Beke e Qalang ka la 10 July
12 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso. Bua ka tlaleho ea tšebeletso ea tšimo ea April ea phutheho ea lōna. Lebisa tlhokomelo lebokoseng le reng “Sheba Leqepheng le ka Morao” ’me u etse pontšo ka e ’ngoe ea linehelano tse hlahisitsoeng tse tlang ho sebetsa hamolemo tšimong ea lōna. Molebeli oa tšebeletso o bua ka litokisetso tsa ho qetela tsa tšimo e sa abuoang—matsatsi, sebaka se lokelang ho sebetsoa, marobalo, litokisetso tsa ho tsamaea le lingoliloeng tseo ho tla nehelanoa ka tsona. Hlahloba lengolo la la 30 May, 2000.
15 mets: “Re ke ke ra Khaotsa ho Bua.” Etsa hore kenyelletso e be ka tlaase ho motsotso, ’me ho latele puisano ka lipotso le likarabo. Hatisa mabaka a etsang hore re nke kabelo ea rōna ea ho bolela ka ho teba hakana. Akarelletsa le lintlha tse amehang tse ho Molula-Qhooa oa January 15, 1997, leqepheng la 23-4.
18 mets: “Lintho Tsohle a li Etsahale Bakeng sa ho Haha.” Baholo ba babeli ba buisana ka sehlooho sena. Ba bala serapa ka seng le mangolo a boletsoeng. Ba totobatsa melao-motheo e amehang. Ba hatisa hore ho hlokahala temoho ha ho sebetsoa litaba tsa khoebo kapa ho etsoa matsete. Hlahloba keletso e ho Molula-Qhooa oa March 15, 1997, leqepheng la 18-19, 22.
Pina 15 le thapelo e koalang.
Beke e Qalang ka la 17 July
15 mets: Litsebiso tsa phutheho. Tlaleho ea lichelete. Ka bokhutšoanyane hlalosa kamoo ho ka sebelisoang bukana ea Lebitso la Molimo ho thusa motho ea thahasellang ho ananela hore hoa hlokahala ho sebelisa le ho tseba lebitso la botho la Molimo.—Bona buka ea Ho Bea Mabaka, leqepheng la 187.
10 mets: “Lenaneo le Lecha la Kopano ea Potoloho.” Lipotso le likarabo. Tsebisa letsatsi la kopano e latelang ea potoloho, ’me u khothalletse bohle hore ba be teng matsatsi ao ka bobeli. Khothalletsa bohle hore ba etse boiteko bo khethehileng ba ho mema liithuti tsa Bibele. Ho ba teng kopanong ho ka ’na ha potlakisa takatso ea bona ea ho kopanela kamehla le phutheho.
20 mets: Ke Mang ea Lokelang ho U Behela Mohlala? Ntate o khanna thuto ea lelapa le ngoana a le mong kapa ba babeli ba lilemong tsa bocha. O hlokometse hore morao tjena moqoqo oa bona o likoloha ho bueng ka likhalala tsa lipapali, tsa libaesekopo, bahasi ba mananeo a TV le libini. O bonahala a tšoenyehile hobane thahasello ea mofuta ona ke ponahatso ea moea oa lefatše. Ba buisana ka Tsoha! ea June 8, 1998, leqepheng la 12-14. Bacha baa hlokomela hore ho na le kotsi ea ho bontša lerato ka tsela e feteletseng ho batho ba lefatše ba hlaheletseng ’me baa lumela hore ho hlahella lefatšeng ha ho tsoele Bakreste molemo oa letho. Ba hlahloba melemo ea ho talima batsoali, baholo le ba bang bao e leng mehlala ka phuthehong—haholo-holo Jesu Kreste—e le mohlala oa bona.
Pina 34 le thapelo e koalang.
Beke e Qalang ka la 24 July
5 mets: Litsebiso tsa phutheho.
15 mets: Ho Ipuella re le Basebeletsi ba Molimo. Bahlanka ba sebeletsang ba babeli ba buisana ka keletso ea Mangolo e fanoeng ho Molula-Qhooa oa December 15, 1998, leqepheng la 19-20. Ba utloisisa tlhokahalo ea ho tšoaneleha ka tsela e ntle joaloka bahlanka ba sebeletsang ’me ba hlahloba seo bona ka bobona ba ka se etsang ho bontša hore ba phethahatsa likabelo tsa bona. Ba bona bohlokoa ba ho ba mehlala e metle tšebeletsong ea tšimo ’me ba buisana ka litsela tseo ba ka thusang baholo ka tsona ka hore ba thuse ba bang. Baa lumellana hore ba batla ho etsa sohle seo ba ka se khonang ho thusa phutheho hore e utloisise ho potlaka ha mehla ena le hore e hōle ’me e atlehe moeeng.
10 mets: Ho Ngolla Batho Bao re sa Khoneng ho Kopana le Bona Mangolo. Puo le puisano le bamameli. Kaha ho ntse ho e-ba thata haholoanyane ho fumana batho lapeng, bahoeletsi ba bang ba fumana litholoana tse ntle ka ho ngola mangolo. Nahana ka lintlha tsena tse tataisang. Mangolo a lokela ho ba makhutšoanyane, a thehoe Bibeleng hape a be le tlhompho. U se ke ua romela mangolo a se nang mong’a ’ona. Ngola kapa u thaepe ka makhethe le ka tsela e balehang. Ngola aterese ea Holo ea ’Muso le linako tsa liboka tsa phutheho hammoho le sememo sa ho ba teng. U se ke ua sebelisa aterese ea Mokhatlo e le eo lengolo le ka khutlisetsoang ho eona. Hlahloba litlhahiso tse fanoeng ho Buka ea Tataiso ea Sekolo, leqepheng la 87-8 le Lebokose la Lipotso ho Tšebeletso ea Rōna ea ’Muso ea November 1996.
15 mets: Sebelisa Likenyelletso Tse Atlehang. Khetha likenyelletso tse peli kapa tse tharo leqepheng la 9-15 bukeng ea Ho Bea Mabaka, ’me u bue ka hore na li ka sebelisoa joang ka katleho tšimong ea phutheho ea lōna. Botsa bamameli, “Ke likenyelletso life tseo le li sebelisang ha le buisana le motho seterateng, ka tsela e sa reroang kapa ka tsela e ’ngoe?” Etsa pontšo e le ’ngoe kapa tse peli ka likenyelletso tsena ha nako e lumela.
Pina 54 le thapelo e koalang.
Beke e Qalang ka la 31 July
12 mets: Litsebiso tsa phutheho. Hopotsa bohle hore ba tlise litlaleho tsa tšebeletso ea tšimo tsa July. Litaba tsa Puso ea Molimo. Mema bamameli hore ba phete liphihlelo tseo ba li thabetseng khoeling ena ha ba aba libukana.
15 mets: Litlhoko tsa phutheho.
18 mets: “Na U Ananela Mamello ea Jehova?” Lipotso le likarabo. Akarelletsa le litlhaloso tse hlalosang mamello ea Jehova.—Bona Insight, Moqolo 2, leqepheng la 263-4.
Pina 75 le thapelo e koalang.
Beke e Qalang ka la 7 August
10 mets: Litsebiso tsa phutheho.
17 mets: “Na U Motho ea Lihlong?” Lipotso le likarabo. Pheta phihlelo e khothatsang e fumanoang ho Buka ea Selemo ea 1997 leqepheng la 43-4.
18 mets: Hlalefa ka Bokamoso ba Hao. Puo ka moholo. Bacha ba lakatsa ho thabela bokamoso bo thabisang le bao ba ba ratang. Le hoja ena e le ntho ea tlhaho, ba tlameha ho sebelisa keletso ea bomolimo e le hore ba tle ba thabele katleho. (Liprov. 19:20) Khoheli pakeng tsa ba batona le ba batšehali e matla ho bacha. Haeba maikutlo a sa laoloe, liphello e ka ba tse kotsi. Ho hlaha lipotso tse ngata ka hore na ke bohlale hore bacha ba nkehe maikutlong ka batho ba bong bo fapaneng le ba bona, ba hlaolele likamano tsa lerato tse lebisang ho laetsaneng. Hlahloba keletso e fanoeng bukeng ea Bacha Baa Botsa, leqepheng la 231-5. Totobatsa lintlha tsa sehlooho tse ho Molula-Qhooa oa November 15, 1999, leqepheng la 18-23, tse bontšang bohlokoa ba hore bacha ba phethahatse boikarabelo ba bona bohle ho Molimo. Khothalletsa bacha hore ba nahane ka keletso ena ’me ba buisane ka eona le batsoali haeba ba e-na le lipotso.
Pina 101 le thapelo e koalang.