Kemiso ea Liboka Tsa Tšebeletso

Beke e Qalang ka la 10 September

Pina 86

10 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso.

13 mets: Litlhoko tsa phutheho.

22 mets: “Na U Phetha Bosebeletsi ba Hao ka Botlalo?”a Ka mor’a ho buisana le bamameli ka serapa sa 1-3, etsa lipontšo tse peli tse khutšoanyane tsa limakasine—ho e ’ngoe u sebelise Tsoha! ea September 8, ho e ’ngoe u sebelise Molula-Qhooa oa September 15. Ka mor’a ho buisana ka serapa sa 4, etsa pontšo ea nehelano e bontšitsoeng, ka buka ea Tsebo.

Pina 124 le thapelo e koalang.

Beke e Qalang ka la 17 September

Pina 92

15 mets: Litsebiso tsa phutheho. Tlaleho ea lichelete. “Li ka Har’a Index.” Etsa pontšo ea tsela ea ho fumana linehelano tsa buka ea Motho e Moholo ka ho Fetisisa.

15 mets: Re Sebelitse Joang Selemong se Fetileng? Puo ea molebeli oa tšebeletso. Fana ka lintlha tse khōlō tsa tlaleho ea phutheho ea selemo sa tšebeletso sa 2001. Babatsa e mong le e mong bakeng sa lintho tse molemo tse finyelletsoeng. Bolela hore na phutheho e sebelitse joang tabeng ea ho ba teng libokeng, ho kopanela kamehla tšebeletsong ea tšimo, le ho khanneng lithuto tsa Bibele, u bolele hore na ke’ng se ka etsoang ho ntlafatsa. Beha lipakane tse ka finyelloang bakeng sa selemo se tlang.

15 mets: Lebokose la Lipotso. Puo. Hlahloba kemiso ea phutheho ea liboka tsa beke le beke tsa tšebeletso ea tšimo. Hlalosa kamoo bohle ba bang teng ba ka tlatsetsang puisanong e molemo libokeng tsena. Khothalletsa phutheho ho tšehetsa litokisetso tsena tsa tšebeletso.

Pina 129 le thapelo e koalang.

Beke e Qalang ka la 24 September

Pina 97

15 mets: Litsebiso tsa phutheho. E behoe ke molebeli oa tšebeletso. U sebelisa litlhahiso tse fanoeng sehloohong se reng “Tsela ea ho Buella Limakasine,” etsa lipontšo tse peli tsa linehelano tseo—ho e ’ngoe u sebelise Tsoha! ea October 8 ’me ho e ’ngoe u sebelise Molula-Qhooa oa October 1. Bua ka litokisetso tsa ho qetela tsa tšimo e sa abuoang. Kaha October ke khoeli ea ho qetela ea phutuho ea tšimo e sa abuoang, khothalletsa bohle hore ba kopanele ka botlalo.

30 mets: Rata Molimo—Eseng Lintho Tsa Lefatše. (1 Joh. 2:15-17) Puo le puisano le bamameli ka ho hlahloba lenaneo la kopano ea potoloho e neng e tšoeroe selemong sa tšebeletso se fetileng. Kōpa bahoeletsi hore ba bue ka lintlha tsa sehlooho tseo ba ithutileng tsona le kamoo ba ileng ba li sebelisa ka bomong kapa e le malapa. (Likarolo tse itseng li ka ajoa esale pele.) Totobatsa lipuo tsena lenaneong leo: (1) “Ho Rata Molimo Hoa re Susumetsa Tšebeletsong ea Rōna.” Lerato le joalo le re thusa ho sebetsana ka katleho le maikutlo a fosahetseng a ka ’nang a sitisa boboleli ba rōna—lihlong, ho ikhalala, ho tšaba batho. (2) “Ba Ratang Jehova ba Hloea se Sebe.” (w99-SU 10/1 28-31) Ho ba le kamano le Molimo ho itšetlehile ka hore re hloee seo a se hloileng—eseng feela seo ho totobetseng hore se sebe empa hape le liphoso tse poteletseng. (3) “Phehella Tsela e Fetisisang ea Lerato.” (w92-SU 7/15 27-30) Bakorinthe ba Pele 13:4-8 e bontša hore na ke hobane’ng ha re sa felle mefokolo ea ba bang pelo, re qoba boithati le tlhōlisano, re sa jale litšebo tse kotsi ’me re lula re tšepahala mokhatlong o hlophisitsoeng oa Molimo. (4) “Lintho Tse Lefatšeng—Re li Nka Joang?” Ha rea lokela ho rata lintho tse lefatšeng, ho inehela litakatsong tsa nama, ho khelosoa ke takatso ea mahlo, kapa ho etsa pontšo ea mponeng ea mokhoa oa rōna oa boipheliso. (5) “Ho se be Karolo ea Lefatše Hoa re Sireletsa.” Bakorinthe ba Bobeli 6:14-17 e bontša kamoo litumelo tse itseng, litloaelo le mekhoa e itseng li ka etsang hore re se amohelehe ho Molimo. Re lokela ho lemoha le ho qoba maraba a Diabolose. (6) “Litšepiso Tsa Molimo ho ba Ratang Molimo.” (w86-SU 6/15 5-6) Tlhohonolofatso ea Jehova e etsa hore re thabele bophelo ba rōna ’me ea re matlafatsa moeeng.—1 Tim. 6:17-19.

Pina 133 le thapelo e koalang.

Beke e Qalang ka la 1 October

Pina 106

10 mets: Litsebiso tsa phutheho. Litaba Tsa Puso ea Molimo. Hopotsa bahoeletsi hore ba fe batsamaisi ba Thuto ea Buka ea Phutheho litlaleho tsa bona tsa tšimo tsa September.

15 mets: Nka Ntlafatsa Joang Sekolong? Moholo le mosali oa hae kapa mohlanka ea sebeletsang le mosali oa hae ba buisana le ngoana oa bona ea kenang sekolo. Ba amehile hobane ngoana enoa ha a sebetse hantle lithutong tsa hae. Ba hlahloba keletso e bukeng ea Bacha Baa Botsa, khaolo ea 18, ’me ba buisana ka seo ho hlokahalang hore ngoana enoa a se etse ho ntlafatsa. Batsoali ba hatisa hore ho bohlokoa hore motho a be le thuto ea motheo e molemo e le hore a ka sebelisa matla a hae ka botlalo ho phehelleng tšebeletso e halalelang.

20 mets: “Na ke Tšitiso Boboleling?”b Hatisa taba ea hore ho hlokahala ho leka-lekana mosebetsing oa boipheliso, ho rera hore na re ka etsa lintho life pele ho etelletsa lithahasello tsa ’Muso pele. Kōpa lihlooho tsa malapa ka phuthehong hore li bolele kamoo li hlōtseng mathata a ho phelisa malapa a tsona kateng nameng li sa sekisetse seo a se hlokang moeeng.

Pina 137 le thapelo e koalang.

[Mongolo o botlaaseng ba leqephe]