Kemiso ea Liboka Tsa Tšebeletso

Beke e Qalang ka la 10 June

Pina 58

15 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. U sebelisa litlhahiso tse leqepheng la 4, etsa lipontšo tse peli tsa kamoo ho ka tsamaisoang Molula-Qhooa oa June 15 le Tsoha! ea July 8 kateng. Pontšong ka ’ngoe, bontša tsela e fapaneng ea ho buisana le ea khaoletsang moqoqo ka ho re “Ha ke thahaselle bolumeli.” (Bona buka ea Ho Bea Mabaka, leqepheng la 17.) Hape u nehe mong’a ntlo monyetla oa ho fana ka monehelo oa mosebetsi oa lefatše ka bophara.

10 mets: Lebokose la Lipotso. Bala sehlooho sohle le mangolo a bontšitsoeng. Ebe u hlalosa ka ho eketsehileng, u atolosa lintlha tse ling tse Lebokoseng la Lipotso le Tšebeletsong ea Rōna ea ’Muso ea March 1998.

20 mets: “Ho Jala Haholo ho Tlisa Mahlohonolo a Enneng.”a Akarelletsa le litlhaloso tse thehiloeng Molula-Qhooeng oa December 1, 1992, leqepheng la 15-16, serapeng sa 14-17.

Pina 220 le thapelo e koalang.

Beke e Qalang ka la 17 June

Pina 136

10 mets: Litsebiso tsa phutheho. Tlaleho ea lichelete.

15 mets: Litlhoko tsa phutheho.

20 mets: “Khotsofalla Seo U Nang le Sona.”b Hatisa motheo oa Mangolo oa keletso ena, u bale u be u hlalose mangolo a bontšitsoeng a mangata kamoo u ka khonang ha nako e lumela.

Pina 197 le thapelo e koalang.

Beke e Qalang ka la 24 June

Pina 52

13 mets: Litsebiso tsa phutheho. Litaba tsa Puso ea Molimo. Banyalani ba sebetsang hammoho tšebeletsong ba etsa pontšo ea kamoo ho ka sebelisoang litlhahiso tse leqepheng la 4 ho tsamaisa makasine ea July 1 le ea July 8. Mosali o buella Molula-Qhooa, ’me monna o buella Tsoha!

12 mets: Pheta liphihlelo tsa bahoeletsi ba phutheho kapa u etsise se etsahetseng, ha ba (1) pakela batho ba merabe e meng kapa ba buang lipuo tse ling kapa ba (2) paka maemong a mang ntle le ka ntlo le ntlo le seterateng. Bakeng sa ho lokisetsa Seboka sa Tšebeletso sa beke e latelang, khothalletsa e mong le e mong ho khetha le ho lokisetsa nehelano eo a tla e sebelisa ha a aba e ’ngoe ea libukana tse tla ajoa ka July le August.—Bona lebokose le nang le sehlooho se reng “Lingoliloeng Tse Ling,” kenyeletsong ea Tšebeletso ea Rōna ea ’Muso ea January 2002.

20 mets: “Ho Ananela Lingoliloeng.”c Akarelletsa pontšo ea mohoeletsi ea mosebetsing oa limakasine. Mong’a ntlo o bontša thahasello nehelanong ea Bibele le ea limakasine, o re o tla li bala. Joale mohoeletsi o re: “Ke lumela hore u tla rua molemo ho tsona joalokaha ba bang ba bangata ba ruile molemo ho tsona. Limakasine tsena li ajoa lefatšeng ka bophara ’me Molula-Qhooa o fumaneha ka lipuo tse 144. Mosebetsi ona o tšehetsoa ka menehelo ea boithatelo. Re amohela menehelo e menyenyane ho ba batlang ho tšehetsa mosebetsi ona.”

Pina 95 le thapelo e koalang.

Beke e Qalang ka la 1 July

Pina 83

15 mets: Litsebiso tsa phutheho. Hopotsa bahoeletsi hore ba fe balebeli ba thuto ea buka litlaleho tsa bona tsa tšebeletso ea tšimo ea June. Kōpa bahoeletsi ho bolela hore na ba rerile ho aba bukana efe ka July le hore na ba tla sebelisa nehelano efe.

15 mets: U ka ba Motsoalle oa Molimo! Puo le puisano le bamameli. Totobatsa litšobotsi tsa bukana ena tse etsang hore e be thulusi e matla ea ho ruta e thusang bana le ba bang ba sa rutehang hakaalo kapa ba sa tsebeng ho bala hantle hore ba ithute ka Jehova. Etsa mehlala ea litlhaloso tsa eona tse bonolo le tse utloahalang. (Bona thuto ea 2, 8 le 12.) Bontša kamoo litšoantšo li ka sebelisoang kateng ho finyella pelo ea seithuti. Etsa tlhahiso ea litsela tseo ka tsona bukana ena e ka sebelisoang hamolemo. Batsoali ba lokela ho ithuta eona le bana ba bona ba banyenyane. Khothalletsa e mong le e mong ho e aba tšebeletsong neng kapa neng ha ho lokela.

15 mets: “Na U ‘Batla’ ho Thusa ba Bang?”d Khothalletsa e mong le e mong ka phuthehong ho ba le moea oa ho thusa.

Pina 156 le thapelo e koalang.

[Mongolo o botlaaseng ba leqephe]