Kemiso ea Liboka Tsa Tšebeletso
Beke e Qalang ka la 12 July
12 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Molebeli oa tšebeletso o bua ka litokisetso tsa tšimo e sa abuoang. Hlahloba lengolo la tšimo e sa abuoang la la 31 May, 2004, lingoliloeng tse lokelang ho tsamaisoa, matsatsi, sebaka se lokelang ho sebetsoa, bolulo le litokisetso tsa leeto. Na ba bang e ka ba bo-pula-maliboho ba thusang? Liphutheho tse sa eeng tšimong e sa abuoang li lokela ho bua ka litokisetso tsa ho sebetsa tšimo e sebetsoang seoelo. U sebelisa litlhahiso tse leqepheng la 4, bontša kamoo ho ka tsamaisoang Molula-Qhooa oa July 15 le Tsoha! ea August 8. Pontšong e ’ngoe, ho tsamaisoe makasine seterateng ho motho ea sa tsebeng puo ea mohoeletsi hantle.
18 mets: “Etsisa Toka ea Jehova.”a Ha nako e lumela, e-re bamameli ba hlalose mangolo a bontšitsoeng.
15 mets: Bibele, Buka ea Boprofeta bo Tšepahalang. Puo le puisano le bamameli e thehiloeng bukaneng eo sehlooho sa eona se reng Buka ea Batho Bohle, leqepheng la 27-9. Ha re le tšebeletsong re atisa ho kopana le batho ba thahasellang bokamoso. Bibele e fana ka boitsebiso bo tšepahalang bo mabapi le bokamoso bo khanyang bakeng sa batho ba mamelang. Hlahloba boprofeta ba Bibele bo matlafatsang tšepo boprofeteng ba Bibele bo tla phethahala nakong e tlang. E-re mohoeletsi a etse pontšo e khutšoanyane ea kamoo liketsahalo tsa Bibele li ka sebelisoang kateng ho thusa motho ea thahasellang hore a matlafatse tšepo ea hae Bibeleng.
Pina ea 16 le thapelo e koalang.
Beke e Qalang ka la 19 July
10 mets: Litsebiso tsa phutheho. Tšohla bohlokoa ba ho ba le kemiso ea letsatsi le letsatsi ea ho bala Bibele, esita leha mesebetsi e meng e kena-kenana le kemiso ea rōna e tloaelehileng. Kopanyelletsa le litlhaloso tse Molula-Qhooeng oa August 15, 2000, leqepheng la 32.
15 mets: Litlhoko tsa phutheho.
20 mets: “Ho Khanna Lithuto Tsa Bibele Tse Tsoelang Pele—Karolo ea 1.” Puo ena e fanoe ke molebeli oa tšebeletso. E-re bamameli ba hlalose boitsebiso bo bukeng ea Baboleli, leqepheng la 572-4, bo bontšang kamoo mosebetsi oa lithuto tsa Bibele o tsoetseng pele kateng mehleng ea kajeno. Tsosa thahasello bakeng sa lihlooho tse latelang letotong lena. Har’a litaba tse tla hlahlojoa ke kamoo ho ka lokisetsoang ho khanna thuto, kamoo ho ka thusoang seithuti ho lokisetsa, hore na ho ithutoe boitsebiso bo bokae, kamoo ho ka sebelisoang mangolo ka katleho, kamoo lipotso tsa seithuti li ka arajoang kateng, kamoo thapelo e ka kenyelletsoang kateng le kamoo seithuti se ka lebisoang mokhatlong o hlophisitsoeng. Khothalletsa bohle ho sebelisa litlhahiso tse fanoeng le ho boloka lihlooho tsena bakeng sa ho li sebelisa nakong e tlang.
Pina ea 10 le thapelo e koalang.
Beke e Qalang ka la 26 July
12 mets: Litsebiso tsa phutheho. Tlaleho ea liak’haonte. Hopotsa bahoeletsi hore ba fane ka litlaleho tsa tšebeletso ea tšimo tsa July. Lokisetsa hore ho be le lipontšo tsa kamoo ho ka tsamaisoang Molula-Qhooa oa August 1 le Tsoha! ea August 8 ho sebelisoa litlhahiso tse leqepheng la 4. Pontšong ka ’ngoe, ho bontšoe tsela e fapaneng ea ho buisana le motho ea khaoletsang moqoqo ka ho re: “Ke hobane’ng ha le etela batho hangata hakaale?”—Bona buka ea Ho Bea Mabaka, leqepheng la 20.
8 mets: Lebokose la Lipotso. E fanoe ke moholo. Bala ’me u tšohle sehlooho sohle.
25 mets: “Tsela ea ho Paka Tšimong ea Mabenkele.”b Bolela litokisetso tsa phutheho tsa ho sebetsa tšimo ea mabenkele. Lokisetsa hore ho be le lipontšo tse khutšoanyane tsa linehelano tse peli tse serapeng sa 4-5 kapa katamelo e ’ngoe e ’nileng ea atleha sebakeng sa heno. Ha nako e lumela, e-re bamameli ba phete liphihlelo tse khothatsang tseo ba bileng le tsona ha ba sebetsa tšimo ea mabenkele.
Pina ea 173 le thapelo e koalang.
Beke e Qalang ka la 2 August
8 mets: Litsebiso tsa phutheho.
22 mets: Na U Fana ka Mabaka? Puo le puisano e thehiloeng bukeng ea Sekolo sa Tšebeletso, leqepheng la 254, serapeng sa 1-2. Ha re hlalosa mangolo tšebeletsong ea tšimo le sethaleng, ’me re bontša kamoo a sebetsang kateng, mokhoa oa rōna oa ho ruta e tla ba o atlehang haholoanyane haeba re fana ka mabaka a seo re se buang ho e-na le ho tiisa feela hore taba e joalo. U sebelisa mehlala e bukeng ea Ho Bea Mabaka kapa libukeng tse ling tse loketseng tšimo ea phutheho, bontša tsela (1) ea ho khetha lipolelo tse ka sehloohong lengolong le ea ho li hlalosa, (2) ea ho fana ka bopaki bo tšehetsang taba bo tsoang tabeng e potolohileng kapa bo tsoang lengolong le leng le buang ka taba eo, (3) ea ho sebelisa papiso ho bontša hore seo u se buang sea utloahala le (4) ea ho sebelisa lipotso ho thusa bamameli ho nahana ka taba eo. Totobatsa melemo ea ho beha mabaka.
15 mets: Liphihlelo tsa phutheho. E-re bamameli ba phete liphihlelo tse hahang tsa bopula-maliboho bo thusang, kapa tsa mesebetsi e meng ea moea eo ba sa tsoa kopanela ho eona.
Pina ea 32 le thapelo e koalang.
[Mongolo o botlaaseng ba leqephe]
a Etsa hore kenyelletso e be ka tlaase ho motsotso ebe ho latela puisano ea lipotso le likarabo.
b Etsa hore kenyelletso e be ka tlaase ho motsotso ebe ho latela puisano ea lipotso le likarabo.